میدیاكانی جیهان ئاشكرایده‌كه‌ن كه هه‌ردوو بیرمه‌ندی ئه‌مریكی و ژاپۆنی به ناوه‌كانی " جه‌یمز ئالیسۆن و تاسۆكۆ هۆنجۆ " به هاوبه‌شی خەڵاتی نۆبڵی پزیشکیی ساڵی 2018 ه یان پێبه‌خشرا .
به‌خشینی ئه‌م خه‌ڵاته بۆ هه‌ریه‌ك " جه‌یمز ئالیسۆن و تاسۆكۆ هۆنجۆ " بۆ ئه‌وه ده‌گه‌رێته‌وه كه ئه‌م دوو ناوبراوه له بواری پزیشكیدا ولە پێناو گەشەکردنی ڕێگاکانی چارەسەرکردنی شێرپەنجەدا ، هه‌وڵ و ته‌قه‌ڵایه‌كی زۆریان داوه .
تاسۆکۆ هۆنجۆ، له ساڵی 1942 لە شاری "کیۆتۆ"ی ژاپۆن لەدایک بووە ، زیاتر وەک ئەیمن‌ناس ناسراوە، لە بواری دۆزینەوەی پرۆتینەکانی پەیوەندیدار بە سەرهەڵدانی شێرپەنجە چالاکیی زۆری هەبووە ، دکتۆر هۆنجۆ ساڵی 2001 وەک ڕاوێژکاری دەرەکیی ئەکادیمیای نیشتمانیی زانستی ئەمریکا هەڵبژێردراوە، ساڵی 2003 وەک ئەندامی ئەکادیمیای زانستی سروشتیی ئەڵمانیا و ساڵی 2005یش وەک ئەندامی ئەکادیمیا زانستییەکانی ژاپۆن هەڵبژێردراوە .
جەیمز ئالیسۆن ، خەڵکی ئەمریکایە و سەرکۆی دامەزراوەی توێژینەوەی شێرپەنجە (CRI)ی لە زانکۆی کالیفۆرنیا و ئەندامی ڕاوێژکاریی ئەو دامەزراوەشە ، ئەو هەوڵ و مادە و دەرمانانە نوێیانەی ئەو لە بواری شێرپەنجەدا کەشفی کردوون، کاریگەریی باشیان لە چارەسەریی شێرپەنجەدا هەبووە .
به هۆی ئەو چالاکی و هەولانەی لە بواری خزمەتگوزاری و ڕێکارەکانی چارەسەرکردنی نەخۆشیی شێرپەنجە بە هاوبەشی ئه‌نجامیانداوه ، هه‌ریه‌ك له " جه‌یمز ئالیسۆن و تاسۆكۆ هۆنجۆ " خەڵاتی نۆبڵی پزیشکیی ساڵی 2018 ه یان پێ بڕاوە .
کۆمێنت (0)
تا ئێستا هیچ کۆمێنتێک نەکراوە.