به‌پێى هه‌واڵێكى سپوتنیكى رووسى، دوێنى ئیواره‌ى چوارشه‌ممه 3ى تشرینى یه‌كه‌مى 2018، پیاوێكى ئه‌مریكى به تۆمه‌تى ناردنى نامه‌ى ژه‌هراوى رۆژى دووشه‌مه‌ى رابردوو بۆ كۆشكى سپى و پنتاگۆن ده‌ستگیر كرا، نامه‌كه مادده‌ى تۆوى خروعى تیدابووه كه بۆ دروستكردنى مادده‌ى (Ricin) به‌كاردێت و به مه‌به‌ستى هێرشى كیمیایى، هێرشبه‌ران به‌كارى دێنن.
سه‌ره‌تا نووسینگه‌ى لێكۆڵینه‌وه‌ى فیدراڵى (FBI) رایانگه‌یاندبوو: ئه‌وان له‌گه‌ڵ پۆلیسى ویلایه‌تى لوگان كاریان كردبوو، به‌ڵام ره‌تیان كرده‌وه كه گومان لێكراوه‌كه ده‌ستبه‌سه‌ر كه‌ن.
ده‌وج ده‌ییڤه‌س وته‌بێژى نووسینگه‌ى لێكۆڵینه‌وه‌ى فیدراڵى (FBI) له باره‌ى ده‌ستگێركردنى تۆمه‌تباره‌كه وتبووی: "له ئێستادا ته‌نها ئه‌وه ده‌ڵێین ئه‌و بابه‌ته هه‌ڵواسراوه و هه‌روه‌ها به هاووڵاتیانى وت كه له شوێنى كرداره‌كه دوور كه‌ونه‌وه و هیچ هه‌ڕه‌شه‌یه‌كى مه‌ترسى نییه".
پاشان له‌لایه‌ن نووسینگه‌ى پۆلیسى ویلایه‌تى یوتا وڵیام كڵاید ئه‌له‌ن سێ له لوگان ده‌ستگیر كرا به تۆمه‌تى ناردنى نامه‌كان بۆ كۆشكى سپى و پنتاگۆن، وا بڕیاره وڵیام كلایدى تۆمه‌تبار رۆژى هه‌ینى به تۆمه‌تى ناردنى نامه‌ى ژه‌هراوى دادگایى بكرێت.
رۆژى دووشه‌ممه‌ى رابردوو هه‌ندیك له‌و نامانه كه بۆ كۆشكى سپى و پنتاگۆن ناردرابوون بۆ پشكنین نێردران و به ئه‌رێنى له پشكنین ده‌رچوون وه‌ك ماده‌یه‌كى كیمیایى مه‌ترسیدار، له كۆى نامه‌كاندا نامه‌یه‌ك بۆ دۆناڵد تره‌مپ سه‌رۆكى ئه‌مریكا و جه‌یمس ماتیس وه‌زیرى به‌رگرى و جۆن ریتجه‌ردسون سه‌رۆكى هێزى ده‌ریایى ئه‌مریكا.
جێى ئاماژه‌یه وته‌بێژى پنتاگۆن به فوكس نیوزى راگه‌یاند: گومانمان وایه كه ده‌ریاوانێكى ئه‌مریكى به‌رپرسى ناردنی ئه‌و نامه مه‌ترسیدارانه‌یه كه بۆ كۆشكى سپى و پنتاگۆن نێردراون و له ئێستادا روون نییه ئاخۆ وڵیام كڵایدى تۆمه‌تبار ئه‌و ده‌ریاوانه بێت.
هاوكات كۆلونیل رۆب مانینگك به فوكس نیوزى وت: له دوێنێوه هه‌موو نامه‌یه‌ك بۆ پنتاگۆن جیاده‌كرێته‌وه و پشكنین ده‌كرێت و هیچ هه‌ڕه‌شه‌ش له‌سه‌ر كارمه‌ندانى پنتاگۆن نییه.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.