به‌ڕێوه‌به‌رایه‌تی پۆلیسی گه‌رمیان له‌ڕاگه‌ێندراوێكدا ڕایگه‌یاند: ئێواره‌ی دوێنێ سێ شه‌مه له‌گه‌ڕه‌كی گازینۆی قه‌زای كه‌لار كچه قوتابییه‌ك به‌ناوی (ك،س،م ) له‌دایكبووی 2000 هێنرایه به‌شی فریاكه‌وتنی شه‌هید هه‌ژار كه‌به‌هۆی خنكانه‌وه گیانی له‌ده‌ستدابوو.
ڕاشیگه‌یاند: به‌گوته‌ی كه‌سوكاره‌كه‌ی، ناوبراو پۆلی چواری دواناوه‌ندیه‌و به‌هۆی ده‌رنه‌چوونی له‌وانه‌كانی خۆی هه‌ڵواسیوه و به‌وهۆیه‌وه گیانی له‌ده‌ستداوه.
پۆلیس ڕاشیگه‌یاندووه: له‌ئێستادا به‌مه‌به‌ستی پشكنین ته‌رمه‌كه‌ی ڕه‌وانه‌ی پزیشكی دادوه‌ری كه‌لار كراوه‌و په‌ڕاوی لێكۆڵینه‌وه‌ی بۆكراوه‌ته‌وه‌و ڕه‌وانه‌ی به‌شی توندوتیژی ژنان كراوه به‌مه‌به‌ستی لێكۆڵینه‌وه له ڕوداوه‌كه.
کۆمێنت (0)
تا ئێستا هیچ کۆمێنتێک نەکراوە.