دلاوه‌ر ئاژگه‌یی، نوێنه‌ری حكوموتی هه‌رێمی كوردستان له یه‌كێتی ئه‌وروپا ڕایگه‌یاند: یه‌كێتی ئه‌وروپا له ڕاگه‌ێندراوێكدا ڕایگه‌یاندووه" یه‌كێتییه‌كه‌یان وه‌ك هاوبه‌شێك و پشتیووانێكی به‌هێزی عێراق، له نێویاندا هه‌رێمی كوردستان ده‌مێنێته‌وه و ده‌یه‌وێت كار له‌گه‌ڵ حكومه‌تی نوێی هه‌رێمی كوردستان بكات".
یه‌كێتی ئه‌وروپا رۆژی دووشه‌ممه (1-10-2018) له راگه‌یێندراوێكی له‌باره‌ی به‌ڕێووه‌چوونی پرۆسه‌ی هه‌ڵبژاردن له هه‌رێمی كوردستان بڵاوكردووه‌ته‌وه و ریگه‌یاندووه، ئه‌م هه‌ڵبژاردنه ده‌رفه‌تێكی ره‌خساند كه خه‌ڵك تیایدا په‌یڕه‌وی مافه دیموكراتییه‌كانیان بكه‌ن.
له راگه‌یێندراوه‌كه‌یدا یه‌كێتی ئه‌وروپا هه‌روه‌ها رایگه‌یاندووه، گرنگه كه هه‌ڵبژاردنه‌كه به‌شێوه‌یه‌كی رێكخراو و ئاشتیانه به‌ڕێووه‌چووه و، پێویسته ئه‌نجامی هه‌ڵبژاردنه‌كه له‌لایه‌ن هه‌موو پارته‌كانه‌وه په‌سه‌ندبكرێت.
یه‌كێتی ئه‌وروپا راشیگه‌یاندووه، یه‌كێتییه‌كه‌یان وه‌ك هاوبه‌شێك و پشتیووانێكی به‌هێزی عێراق، له نێویاندا هه‌رێمی كوردستان ده‌مێنێته‌وه و ده‌یه‌وێت كار له‌گه‌ڵ حكومه‌تی نوێی هه‌رێمی كوردستان بكات.
کۆمێنت (0)
تا ئێستا هیچ کۆمێنتێک نەکراوە.