نه‌وزاد هادی پارێزگاری هه‌ولێر له‌باره‌ی چۆنیه‌تی به‌ڕێوه‌چوونی پرۆسه‌ی ده‌نگدان بۆ هه‌ڵبژاردنی خولی پێنجه‌می په‌رله‌مانی كوردستان له سنووری پارێزگای هه‌ولێر بۆ ده‌زگاكانی ڕاگه‌یاندن گوتی: دوای ڕووداوه‌كانی 2017 كه له هه‌رێمی كوردستان ڕوویاندا، ڕووداوی گه‌وره ڕوویدا و ئه‌مڕۆش خه‌ڵكی كوردستان نوێنه‌ری خۆیان بۆ په‌رله‌مانی نوی هه‌ڵده‌بژێرن.
نه‌وزاد هادی هه‌روه‌ها گوتی: رێنماییه‌كانی كۆمسیۆنی هه‌ڵبژاردن و راپرسی هه‌رێم بۆ ده‌نگدانی گشتی بۆ ره‌چاوكردنی ئه‌وپه‌ڕی شه‌فافیه‌ت و ره‌واندنه‌وه‌ی ساخته‌كارین.
هه‌روه‌ها گوتیشی: بۆ ئه‌وه‌ی هه‌ڵبژاردنێكی پاك و بێگه‌ردمان هه‌بێت، پێویسته پابه‌ندی رێنماییه‌كانی كۆمسیۆن بین.
هاوكات ئاشكراشی كرد، رێوشوێنی ئه‌منی تایبه‌ت بۆ هه‌ڵبژاردن ره‌چاو كراون و له بازنه‌ی یه‌كه‌م پۆلیس و له بازنه‌ی دووه‌میش هێزه‌كانی ئاسایش به‌رپرسی پاراستنی ئاسایشن.
گوتیشی، ئه‌مڕۆ فڕۆكه‌خانه‌كان و ڕێڕه‌وه سنوورییه‌كان كراونه‌ته‌وه، به‌ڵام هاتوچۆ له نێوان پارێزگاكاندا نییه ئه‌وه‌ش له‌به‌ر سه‌لامه‌تی به‌ڕێوه‌چوونی پرۆسه‌ی ده‌نگدانه .
کۆمێنت (0)
تا ئێستا هیچ کۆمێنتێک نەکراوە.