ئارام نه‌جمه‌دین به‌ڕێوه‌به‌ری گشتی ئۆفیسی هه‌ولێری كۆمسیۆنی باڵای سه‌ربه‌خۆی هه‌ڵبژاردن و ڕاپرسی له هه‌رێمی كوردستان به كوردستان تیڤی ڕایگه‌یاند: ئه‌مڕۆ به مه‌به‌ستی ده‌نگدان بۆ خولی پێنجه‌می په‌رله‌مانی كوردستان سه‌رجه‌م بنكه‌كانی ده‌نگدان به ڕووی ده‌نگده‌ران كراونه‌ته‌وه .
به‌ڕێوه‌به‌ری گشتی ئۆفیسی هه‌ولێری كۆمسیۆنی باڵای سه‌ربه‌خۆی هه‌ڵبژاردن و ڕاپرسی راشیگه‌یاند: پرۆسه‌كه‌ش له شاری هه‌ولێر بێ كێشه و گیروگرفت به‌ڕێوه‌ده‌چێت هه‌روه‌ها له چه‌ند بنكه‌یه‌ك فۆڕمی ده‌نگدان كه‌میكردووه، به‌ڵام ئه‌و كێشه به زووترین كات چاره‌سه‌ر كرا .
ئه‌مڕۆ پڕۆسه‌ی هه‌ڵبژاردنی په‌رله‌مانی كوردستان به‌ڕێوه‌ده‌چێت و له ده‌نگدانی گشتی 2 ملیۆن و 914 كه‌س له هه‌رێمی كوردستان مافی ده‌نگدانی هه‌یه .
کۆمێنت (0)
تا ئێستا هیچ کۆمێنتێک نەکراوە.