به‌ڕێوه‌به‌ری ئاسایشى هه‌ولێر : پرۆسه‌ى ده‌نگدانى گشتى به‌ئارامی و بێ گرفت به‌ڕێوه‌ده‌چێت

د. تاریق نوری به‌ڕێوه‌به‌ری ئاسایشى هه‌ولێر به‌مالپه‌رى كوردستان تیڤى ڕاگه‌یاند  له‌ڕۆژى به‌ڕێوه‌چوونى  ده‌نگدانى گشتى بۆ په‌رله‌مانى كوردستان له‌ته‌واوى بنكه‌كانى ده‌نگداندا  ئاسایش و ئارامی هه‌یه‌ هاوڵاتیان بێ گرفت ده‌توانن به‌شداری پرۆسه‌كه‌ بكه‌ن .

ڕاشیگه‌یاند به‌پێى ئه‌و پلانه‌ ئه‌منییه‌ى داڕێژراوه‌ ته‌واوى بنكه‌كان پارێزراون و ئاسایش تێدا بوونى هه‌یه‌ بێ هیچ گرفتێك پرۆسه‌كه‌ به‌ڕێوه‌ده‌چێت .

كاتژمێر 8:00 ى به‌یانى ئه‌مڕۆ  یه‌كشه‌ممه‌ 30 ى ئه‌یلولی 2018 ، پرۆسه‌ى ده‌نگدانى گشتى بۆ په‌رله‌مانى كوردستان ده‌ستى پێكرد 

له‌سه‌رانسه‌ری كوردستان  5 هه‌زار و 932  وێستگه‌ى  ده‌نگدان دانراون بۆ ده‌نگده‌ران  ، له‌هه‌ڵبژاردنى په‌رله‌مانى كوردستان   773 كاندید له‌لیسته‌ جیاوازه‌كانى كێبڕكێى به‌ده‌ست هێنانى  كورسیه‌كانى په‌رله‌مان ده‌كه‌ن  تێیدا  532 پیاو و  241 ئافره‌تن 

له‌ هه‌ڵبژاردنی په‌رله‌مانى كوردستان   2 ملیۆن و 914  هه‌زار و 992 كه‌س مافى ده‌نگدانیان هه‌یه‌  

له‌پارێزگای هه‌ولێر   ملیۆنێك و 36 هه‌زار و 414 كه‌س ده‌نگ ده‌ده‌ن ، له‌پارێزگای دهۆك  677 هه‌زار و 977 كه‌س ،  له‌سلێمانى   یه‌ك ملیۆن و  134 هه‌زار و 76 كه‌س ، له‌ هه‌له‌بجه‌ى شه‌هید  66 هه‌زار و  16 كه‌س ده‌نگ ده‌ده‌ن ،

29 لیست و هاوپه‌یمانیه‌تى به‌شدارن له‌هه‌ڵبژاردنى په‌رله‌مانى كوردستان   كێبڕكێ له‌سه‌ر 111 كورسى په‌رله‌مان ده‌كه‌ن

شوان عه‌زیز