فڕۆکه‌خانه‌ى نێوده‌وڵه‌تى هه‌ولێر پێشوازی لە شاندێکی باڵای هێلی ئاسمانیی سعودییە ده‌کات

هێڵی ئاسمانى سعوودی، له‌سه‌ره‌تاى مانگى داهاتووه‌وه‌، به‌ فه‌رمى ده‌ست به‌گه‌شته‌كانى بۆ فڕۆكه‌خانه‌ى نێوده‌وڵه‌تى هه‌ولێر، ده‌كات.

وابڕیارە لە چەند رۆژی داهاتوودا و لە رێوڕەسمێكدا هێڵی ئاسمانیی سعودییە یەكەم گەشتی لە فڕۆكەخانەی هەولێر دەستپێبكات.

تەلار فایەق بەڕێوەبەری فڕۆكەخانەی هەولێر ڕایگەیاند: ڕۆژی 1ی 10ی 2018 پێشوازی لە شاندێكی باڵای هێلی ئاسمانیی سعودییە دەكەن.

ناوبراو ئاماژەی بەوەش كرد بڕیارە لە هەمان رۆژدا و لە رێوڕەسمێكی تایبەتدا و بە ئامادەبوونی بەرپرسانی حكومیی، یەكەم گەشتی هێڵی ئاسمانیی سعودییە لە فڕۆكەخانەی هەولێرەوە دەستپێبكات.

فڕۆكه‌خانه‌ى نێوده‌وڵه‌تى هه‌ولێر، به‌یه‌كێك له‌ فڕۆكه‌خانه‌ گرنگه‌كانى هه‌رێمی كوردستان و عێراق داده‌نرێت، كه‌ له‌ساڵى 2005 له‌لایه‌ن حكوومه‌تى هه‌رێمی كوردستانه‌وه‌، دامه‌زراوه‌ و گه‌شتی بۆ چه‌ندین وڵات هه‌یه‌.