دوای بڕیاری داخستنی كونسولخانه‌كه‌یان له‌به‌سره، ویلایه‌ته یه‌كگرتووه‌كانی ئه‌مریكا هۆشدارییه‌كی نوێ ده‌داته هاووڵاتیانی له عێراق.
له‌مباره‌یه‌وه وه‌زاره‌تی ده‌ره‌وه‌ی ئه‌مریكا له راگه‌یه‌نراوێكیدا ده‌ڵێت: هاووڵاتیانی ئه‌مریكی له عێراق به شێوه‌یه‌كی گه‌وره رووبه‌رووی توندو تیژی و رفاندن ده‌بنه‌وه.
ده‌شڵێت: گڕووپه تیرۆریستییه‌كان و توندڕه‌وه‌كان چالاكن له عێراق و به‌شێوه‌یه‌كی رێك و پێك هێرش ده‌كه‌نه هێزه ئه‌منییه‌كان و هاووڵاتیان.
راگه‌یه‌نراوه‌كه‌ی وه‌زاره‌تی ده‌ره‌وه‌ی ئه‌مریكا جه‌ختی كردۆته‌وه كه میلیشيا تائیفییه‌كان هه‌ڕه‌شه‌ن بۆ سه‌ر هاووڵاتیانی ئه‌مریكی و كۆمپانیا رۆژئاواییه‌كان له‌سه‌رتاسه‌ری عێراق.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.