له 4ی تشرینی دووه‌می 2018 بڕیارێكی مه‌ترسیدارو گه‌وره له مێژووی سزاكانی ئه‌مریكا بۆ سه‌ر ئێران ده‌كه‌وێته به‌رگوێ.
له‌مباره‌یه‌وه رۆژنامه‌ی نیۆیۆرك تایمز نووسیویه‌تی: بڕیاری دۆناڵد تره‌مپ، سه‌رۆكی ئه‌مریكا به خنكاندنی ئێران، به‌مانای خنكاندنی ئێرانه، چونكه بڕیاره‌كه رێگا له ئێران ده‌گرێت رۆژانه 4 ملیۆن به‌رمیل نه‌وت هه‌نارده بكات، بڕه نه‌وته‌كه‌ش زۆربه‌ی بۆ وڵاتانی چین و هیندستان هه‌نارده ده‌كرێت، هه‌روه‌ها بڕیاره‌كه رێگا له 700 مه‌تر موكه‌عه‌ب له غازی ئێران بۆ وڵاتانی چین و هیندستان و مالیزیا و ئه‌نده‌نووسیا ده‌گرێت، ئه‌مه‌ش ده‌بێته هۆی داڕووخانی ئابووری ئێران و ته‌قینه‌وه‌ی شه‌قامی ئێرانی .
له‌به‌رامبه‌ریشدا حه‌سه‌ن رۆحانی، سه‌رۆك كۆماری ئێران ده‌ڵێت: ئێران بێ ده‌نگ نابێت له رێگه گرتن له هه‌نارده‌كردنی نه‌وت و غازه‌كه‌ی، ئه‌وه‌ی سه‌رۆكی ئه‌مریكاش له‌باره‌ی خنكاندنی ئێران ده‌یڵێت، زۆر مه‌ترسیداره ، چونكه ئێمه ده‌توانین هه‌موو پاپۆڕه بارزگانییه‌كان بته‌قێنینه‌وه‌و ته‌واوی كه‌نداو دابخه‌ین .
ئاماده‌كردنی / رزگار
سه‌رچاوه / ئه‌سرار میدیا
کۆمێنت (0)
تا ئێستا هیچ کۆمێنتێک نەکراوە.