وه‌زیری نه‌وتی ئێران، رایده‌گه‌ێنێ، به‌رده‌وام ده‌بین له گواستنه‌وه‌ی نه‌وتی كه‌ركووك له‌رێگه‌ی ته‌نكه‌ره‌وه، خوازیاریشین ئاستی بازرگانی نه‌وت له‌گه‌ڵ عێراقدا به‌رزبكه‌ینه‌وه.
بیژه‌ن زه‌نگه‌نه ، وه‌زیری نه‌وتی ئێران له لێدوانێكدا بۆ ماڵپه‌ڕی بلومبێرگ كه له ماڵپه‌ڕی فه‌رمیی حكوومه‌تی ئێرانیشدا بڵاوكراوه‌ته‌وه، هه‌ڵسه‌نگاندنی بۆ سزاكانی ئه‌مریكا له‌سه‌ر وڵاته‌كه‌ی و گواستنه‌وه‌ی نه‌وت كردووه.
وه‌زیری نه‌وتی ئێران ئاماژه‌ی به‌وه‌كردووه ئاڵوگۆڕی نه‌وت له‌نێوان عێراق و ئێراندا درێژه‌ی هه‌یه و به‌رده‌وام ده‌بن له گواستنه‌وه‌ی نه‌وتی كه‌ركووك له‌رێگه‌ی ته‌نكه‌ره‌وه، ئه‌وه‌شی نه‌شاردووه‌ته‌وه كه خوازیارن ئاستی بازرگانی نه‌وت له‌گه‌ڵ عێراقدا به‌رزبكه‌ینه‌وه.
زه‌نگه‌نه بانگه‌شه‌ی ئه‌وه‌ی كردووه كه عێراق ماوه‌یه‌كی درێژه به‌رهه‌مهێنانی نه‌وتی زیاد نه‌كردووه و ئه‌مه‌ش به به‌ڵگه سه‌لمێنراوه.
هه‌روه‌ها گووتی: ئه‌مریكییه‌كان به‌رده‌وام ده‌چنه شوێنی جۆراوجۆر و هه‌ڕه‌شه ده‌كه‌ن، له‌ماوه‌ی نیو كاتژمێردا به ته‌له‌فۆن په‌یوه‌ندیی به‌و كۆمپانیایانه‌ه‌وه ده‌كه‌ن كه له‌گه‌ڵ ئێمه‌دا ده‌كه‌ونه په‌یوه‌ندیی و چاودێریی سه‌رجه‌م كاره‌كانیان له نزیكه‌وه ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.