ئەنجامی راپرسییەک: پارتی یەکەم، ده‌بێت

سەنتەری دیراسات و توێژینەوە و ئەکادیمیای پارتی دیموكراتی كوردستان راپرسییەكی لەبارەی هەڵبژاردنی پەرلەمانی کوردستان ئەنجامداوە. بەپێی راپرسییەکە پارتی لە %41ـی دەنگەكان و یەکێتی لە 18% دەنگەکان بەدەستدەهێنێت.

سه‌باره‌ت به‌ ئه‌نجامی راپرسییه‌كه‌ش، پارتی دیموكراتی كوردستان سه‌دا 41ی ده‌نگه‌كان به‌ده‌ست دێنێت و یه‌كێتیی نیشتمانیی كوردستان سه‌دا 18و بزووتنه‌وه‌ی گۆڕان سه‌دا 10 و جوڵانه‌وه‌ی نه‌وه‌ی نوێ سه‌دا 9 و كۆمه‌ڵی ئیسلامی سه‌دا 3 و به‌ره‌ی ئیسلاح سه‌دا 6 و ھاوپه‌یمانی ئه‌گه‌ر به‌شداری بكات سه‌دا ٦ی ده‌نگه‌كان به‌ده‌ست دێنێت.

مه‌كته‌بی توێژینه‌وه‌ی پارتی دیموكراتی كوردستان راپرسییه‌كی سه‌باره‌ت به‌ ھه‌ڵبژاردنی په‌رله‌مانی كوردستان بڵاوكرده‌وه‌ و ئاماژه‌ی‌ به‌وه‌دا كه‌ راپرسییه‌كه‌ له‌ ھه‌ر چوار پارێزگا و 13 قه‌زای ھه‌رێمی كوردستان ئه‌نجام دراوه‌ و سێ‌ ھه‌زار و 100 فۆرم دابه‌ش كراون و له‌و ژماره‌یه‌ سێ‌ ھه‌زار فۆڕمیان بۆ گه‌ڕاوه‌ته‌وه‌.

به‌گوێه‌ی‌ راپرسییه‌كه‌ سه‌دا 68ی خه‌ڵك به‌شداری پرۆسه‌ی‌ ده‌نگدان ده‌كه‌ن و سه‌دا 14ش تا ئێستا خۆیان یه‌كلایی نه‌كردووه‌ته‌وه‌ و سه‌دا 18یش بڕیاریان داوه‌ به‌شداریی ده‌نگدان نه‌كه‌ن.

مه‌كته‌بی توێژینه‌وه‌ی پارتی دیموكراتی كوردستان رایگه‌یاند كه‌ راپرسییه‌كه‌ی له‌ رێگه‌ی كۆمه‌ڵناسان و ده‌رونناسانی كوردستان ئه‌نجام داوه‌.

شایه‌نی باسه‌ 30ی ئه‌م مانگه‌ پرۆسه‌ی هه‌ڵبژاردنی په‌رله‌مانی كوردستان به‌رێوه‌ده‌چێت.