شه‌ڕێكی گه‌وره له نێوان دوو گوندی ده‌ڤه‌ری پشده‌ر ڕوویداشه‌ڕێكی گه‌وره له نێوان خه‌ڵكی هه‌ردوو گوندی جه‌لكان و مه‌مكانی سه‌ر به ناحیه‌ی سه‌نگه‌سه‌ر له‌سه‌ر كێشه‌ی پوش و پاوان ڕوویدا و به هۆیه‌وه كه‌سێك گیانی له‌ده‌ستدا.
كاتژمێر 2ی شه‌وی ڕابردوو شه‌ڕێكی گه‌وره له نێوان هه‌ردوو گوندی جه‌لكان و مه‌مكانی سه‌ر به ناحیه‌ی سه‌نگه‌سه‌ر له بناری قه‌ندیل ڕویدا و به هۆیه‌وه گه‌نجێكی خه‌ڵكی مه‌مكان به ناوی " قاره‌مان حه‌سه‌ن نه‌بی" به‌ر فیشه‌كی جه‌لكانییه‌كان كه‌وت و به هۆیه‌وه ده‌ست به‌جێ گیانی له ده‌ستدا.
دوای كوشتنی قاره‌مان، شه‌ڕه‌كه كڵپه‌ی سه‌ند و گه‌وره‌تر بوو خه‌ڵكی مه‌مكان له تۆڵه‌ی خوێنی ناوبراو شوانێكی جه‌لكانیان به ناوی " فه‌رمان خدر" ده‌ستگیر كرد و تا ئێستاش فه‌رمان بێسه‌رو شوێنه.
دوای به دوای ئه‌وه هێزه‌كانی پۆلیس و ئاسایشی سه‌نگه‌سه‌ر به هاوكاری هێزه ئه‌منییه‌كانی ئیداره‌ی ڕاپه‌ڕین چوارده‌وری هه‌ردوو گونده‌كه‌یان گرت و بڵاوه‌یان به شه‌ڕه‌كه كرد.
شه‌ره‌كه تا پێش نیوه‌ڕۆی ئه‌مڕۆ به‌رده‌وامی هه‌بووه و له لایه‌ن هێزه‌كانی پۆلیس و ئاسایشه‌وه 4 گوندنشینی جه‌لكان ده‌ستگیر كراون و داواش له مه‌مكانییه‌كان كراوه شوانه جه‌لكانییه‌كان ڕاده‌ستی هێزه‌كانی ئاسایش بكرێت و كه‌مێك به‌ر له ئێستاش ته‌رمی "قاره‌مان" به ئاماده‌بوونی خه‌ڵكی گوندی مه‌مكان و به چاودێری ده‌زگا ئه‌منییه‌كان نێژرا.
شایه‌نی باسه شه‌ڕی نێوان ئه‌و دوو گونده له مێژینه‌یه و له‌سه‌ر پوش و پاوان و له‌وه‌ڕاندنی مه‌ڕو ماڵاته و له‌و مانگه‌دا بۆ جاری دووه‌مه شه‌ر له نێوان ئه‌و دوو گونده ڕوو ده‌دات و شه‌ڕه‌كه تا دێت په‌ره ده‌ستێنێ.
کۆمێنت (0)
تا ئێستا هیچ کۆمێنتێک نەکراوە.