سینه‌ماكاری ناسراوی كورد " ئیدریس عه‌بدی " كار بۆ به‌رهه‌مهێنانی فیلمێكی نوێ له ژێر ناوی " ژنی شاخ " ده‌كات ، كه باس له كاركردن و ژیانی ژنه پێشمه‌رگه‌یه‌كی كورد له شاخ ده‌كات .
نووسه‌ر و ده‌رهێنه‌ری فیلمی " ژنی شاخ " ئیدریس عه‌بدی " باس له فیلمه‌كه‌ی ده‌كات و ده‌ڵێت ، چیرۆكی ئه‌م فیلمه باس له ژیانی ژنه پێشمه‌رگه‌یه‌كی كورد ده‌كات كه له شاخ كاری پزیشكی ده‌كات، چاره‌سه‌ری پێشمه‌رگه برینداره‌كان و خه‌ڵكی ناوچه سنوورییه‌كان ده‌كات كه له كۆتاییدا ژیانی خۆی له‌سه‌ر داده‌نێت .
عه‌بدی ده‌رباره‌ی فیلمه‌كه‌ی زیاتر ده‌ڵێت ، ماوه‌ی چه‌ند ڕۆژێكه كاری وێنه‌گرتنی ده‌ستی پێ كردووه و به‌مزووانه كۆتا به كاره‌كانی دێت ، وتیشی ئه‌م فیلمه كۆمه‌ڵێك هیوا ئاواتی شاراوه‌ی پێشمه‌رگه‌كان پێشان ده‌دات .
ئیدریس عه‌بدی ده‌رهێنه‌ر پێشتر ژماره‌یه‌ك كورته فیلمی هونه‌ری دیكه‌ی به‌رهه‌مهێناوه و و به‌شداری چه‌ندان فێستیڤاڵی نێوده‌وڵه‌تی كردووه.
کۆمێنت (0)
تا ئێستا هیچ کۆمێنتێک نەکراوە.