ئه‌نجامدانی یارییه‌كان چه‌نده چێژبه‌خشن له‌كاتی كردنیان و سه‌ركه‌وتن دا، هێنده‌ش به‌ئازار ناڕه‌حه‌تن له‌كاتی شكست و دۆڕاندا كه زۆرجار ده‌بێته‌هۆی كاردانه‌وه‌ی سه‌یر لای یاریزانه‌كه.
له ڕووداوێكی سه‌یردا له نیویۆرك پیاوێكی ٤٥ساڵان یارییه‌كه‌ی كردووه به‌رامبه‌ر به مندڵێكی ١١ساڵان، دوای ئه‌وه‌ی پیاوه‌كه به منداڵاكه دۆڕاوه توڕه‌بووه و گه‌یشتۆته ئه‌وه‌ی هه‌ڕه‌شه‌ی كوشتنی لێ كردووه، گوتوویه‌تی “ده‌تدۆزمه‌وه و به چه‌كێكه‌وه دێمه لات، تۆ مردووی من ئه‌م شه‌و دێم بۆت … “
به‌ڵام دوای ئاگادركردنه‌وه‌ی پۆلیس له‌بابه‌ته‌كه و ناردنی په‌یوه‌ندییه ته‌له‌فۆنی و ده‌قی نامه هه‌ڕه‌شه ئامێزه‌كان، پۆلیس به‌تاوانی ترساندن و هه‌ڕه‌شه‌كردن له‌منداڵان، ده‌ستبه‌سه‌ری كردووه ، دوای دادگای كردنی به به‌ڕی ٢،٥٠٠ دۆلار سزای داوه و بۆماوه‌یه‌كیش زیندانی كردووه.
یاری فۆرتنایت یارییه‌كی ئۆنلاینه و چه‌ند یاریزانێك له‌یه‌ك كاتدا به‌یه‌كه‌وه یارییه‌كه ئه‌نجام ده‌ده‌ن.
سه‌رچاوه/ تێك ئای
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.