نەتەوە یەکگرتووەکان رایگەیاند، لە ساڵی رابردوودا بەهۆی نەبوونی خۆراک و ئاوەوە زیاتر لە شەش ملیۆن منداڵی خوار تەمەن پێنج ساڵان گیانیان لەدەستداوە.
لۆرنس چاندی لە ڕێکخراوی یونیسێفی سەربە نەتەوە یەکگرتووەکان ڕایگەیاندووە، لە ساڵی ٢٠١٧ دا لە هەر پێنج چرکەیەکدا منداڵێک گیانی لە دەستداوە.
ئاماژەی بەوەشکردووە، ئەگەر چارەسەری پێویست بۆ ئەو دۆخەی ژیانی منداڵان لە جیهاندا دانەنرێت، ئەوا چاوەڕواندەکرێت تا ساڵی ٢٠٣٠ ژمارەی ئەو منداڵانەی کە هەڕەشەی مردنیان لەسەرە بگاتە ٥٦ ملیۆن منداڵ لە سەرانسەری جیهاندا.
ڕێکخراوەکە ئاماژەی بەوەش کردووە، لە ساڵی ٢٠١٧دا زۆربەی گیانلەدەستدانەکان لە وڵاتەکانی کیشوەری ئەفریقا بووە، کە لە هەر ١٣ منداڵێک یەکێکیان گیانی لەدەستداوە.
کۆمێنت (0)
تا ئێستا هیچ کۆمێنتێک نەکراوە.