به‌ره‌به‌یانی ئه‌مڕۆ چوارشه‌ممه تاوانێكی قێزه‌ون پارێزگایه‌كی عێراق ده‌هه‌ژێنێ.
به پێی راگه‌یه‌نراوێكی پۆلیسی پارێزگای زیقار له باشووری عێراق، به‌ره‌به‌یانی ئه‌مڕۆ قێزه‌ونترین تاوان روویداوه له‌وكاته‌ی پیاوێكی ته‌مه‌ن 40 ساڵ ، هاوسه‌ره‌كه‌ی و سه‌رجه‌م منداڵه‌كه‌ی ده‌كوژێت كه پێك هاتبوون له دوو كچ و كوڕێك كه ته‌مه‌نیان له نێوان 13 بۆ 9 ساڵیدایه.
هه‌روه‌ها پۆلیس ده‌ڵێت: دوای رووداوه‌كه تیمێكی پۆلیس گه‌یشتوونه‌ته شوێنی رووداوه‌كه‌و كه‌سه‌كه‌یان ده‌ستگیركردووه و دوای هه‌ڵگرتنه‌وه‌یان، ته‌رمی قوربانییه‌كان ره‌وانه‌ی پزیشكی دادی كراون، هاوكات ئه‌و كه‌ره‌ستانه‌ی تاوانه‌كه‌ی پێ ئه‌نجام دراوه، ده‌ستی به‌سه‌ردا گیراوه.
ده‌شڵێت: لێكۆڵینه‌وه بۆ زانینی پاڵنه‌رو هۆكاره‌كانی ئه‌نجامدانی تاوانه‌كه به‌رده‌وامه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.