به‌یانی ئه‌مڕۆ له چیایی كانی مه‌لاژن له‌ده‌ڤه‌ری سیده‌كان گه‌نجێكی دانیشتوویی گوندی ژیلیا كه پیشه‌ی شوانه له‌كاتی له‌وه‌ڕاندنی مه‌ڕه‌كانی به‌ر مین كه‌وت و به‌هۆیه‌وه ده‌ست به‌جێ گیانی له‌ده‌ستدا.
"سیداد ئه‌حمه‌د"ی ته‌مه‌ن 17 ساڵان ئه‌و گه‌نجه‌یه كه‌به‌یانی ئه‌مڕۆ مینێك له ژێر پێكانیدا ته‌قییه‌وه و به‌هۆی ته‌قینه‌وه‌ی مینه‌كه‌ش ده‌ست به جێ گیانی له ده‌ستدا.
به‌پێی قسه‌ی كه‌س وكاره‌كه‌ی، سیداد له‌كاتی له‌وه‌راندنی ڕانه‌مه‌ر له‌چیایی كانی مه‌لاژن له‌سنوری گونده‌كه‌ی چۆته نێو كێڵگه‌یه‌كی مینی سه‌رده‌می رژێمی به‌عس و مینێكی جۆری ڤالمارای پێدا ته‌قیوه‌ته‌وه و به‌هۆیه‌وه ده‌ست به‌جێ گیانی له‌ده‌ستداوه.
شایه‌نی باسه تا ئێستا له‌ده‌ڤه‌ری سیده‌كان ده‌یان كێڵگه‌ی له مین پاكنه‌كراوه‌ی سه‌رده‌می رژیمی به‌عس ماونه‌ته‌وه و تا ئێستا له لایه‌ن ده‌زگای مینه‌وه ڕێكارییه‌ك نه‌گیراوه‌ته به‌ر بۆ پاككردنه‌وه‌یان، ئه‌مه‌ش وای كردووه خه‌ڵكی ناوچه‌كه زه‌ره‌رو زیانی گه‌وره‌ی گیانی مادیی و ماڵیان به‌ربكه‌وێت.
کۆمێنت (0)
تا ئێستا هیچ کۆمێنتێک نەکراوە.