هۆڵه‌ندا فڕۆکه‌کانی له‌شه‌ڕی داعش له‌ عێراق و سوریا ده‌کشێنێته‌وه‌

حکوومەتی هۆڵەندا بڕیاری کشاندنەوەی فڕۆکە جەنگییەکانی وڵاتەکەی لە عێراق و سووریا، داوە.

ئه‌مڕۆ 15ی ئه‌یلولی 2018 حكومه‌تی هۆڵه‌ندا رایگه‌یاند که‌ له‌كۆتاییه‌كانی ئه‌مساڵدا فڕۆكه‌جه‌نگییه‌كانی له‌جۆری ئێف 16 له‌شه‌ڕی دژ به‌داعش له‌سوریا و عیراق ده‌كشێنێته‌وه‌.

له‌به‌یاننامه‌یه‌كدا حكومه‌تی هۆڵه‌ندا، ئاشكرایكردوه‌ فڕۆكه‌ جه‌نگییه‌كانی هۆڵه‌ندا كه‌ له‌ساڵی 2014وه‌ به‌شدارن له‌شه‌ڕی دژ به‌تیرۆرستانی داعش له‌خاكی سوریا و عیراق له‌ كۆتاییه‌كانی ئه‌مساڵدا ده‌كشێنه‌وه‌".

ژماره‌ی ئه‌و فڕۆكه‌ جه‌نگییانه‌ چوار فڕۆكه‌ی ئێف 16ن و له‌بۆردومانی تیرۆرستان له‌ناو خاكی عێراق و سوریا به‌كارهێنراون.

له‌به‌شێكی دیکه‌ی به‌یاننامه‌كه‌دا ئه‌وه‌ هاتووه‌ هۆڵه‌ندا به‌رده‌وام ده‌بێت له‌ پێشكه‌شكردنی توانای سه‌ربازی له‌عیراق و سوریا، له‌ڕێگه‌ی به‌هێزكردنی توانا ئه‌منیه‌كان و هه‌وڵدان بۆ ئارامكردنه‌وه‌ی دۆخه‌كه‌ و گه‌ڕانه‌وه‌ی هاووڵاتیان بۆ ماڵه‌كانی خۆیان بۆ ئه‌وه‌ی  بتوانن به‌ئارامی بژین.