به‌ڕێوه‌به‌رایه‌تی پۆلیسی گه‌رمیان له ڕاگه‌ێندراوێكدا ڕایگه‌یاند: ئاگرێكی گه‌وره له یه‌كێك له به‌نزینخانه‌كانی سه‌ر به قه‌زای كه‌لار كه‌وته‌وه و به هۆیه‌وه شۆفێرێك سووتا و چوار تانكه‌ری سووته‌مه‌نیش گڕیان گرت.
له ڕاگه‌ێندراوه‌كه‌ی پۆلیسدا هاتووه: به‌یانی ئه‌مڕۆ شه‌ممه له گوندی به‌رلوتی سه‌ربه‌قه‌زای كه‌لار له‌كاتی خاڵی كردنی به‌نزین گڕ له ته‌نكه‌رێك به‌رده‌بێت به‌هۆی زوو ته‌شه‌نه‌كردنی ئاگره‌كه سێ ته‌نكه‌ری دیكه و 2 سایلۆ و كابینه‌یه‌ك سووتان و یه‌كێك له‌شۆفێره‌كان به‌شێك له‌جه‌سته‌ی سوتا دوای گه‌یاندن و چاره‌سه‌ری پیویست له‌به‌شی فریاكه‌وتنی شه‌هید هه‌ژار له‌كه‌لار به‌هۆی زۆری ڕێژه‌ی سوتانه‌كه‌یه‌وه ڕه‌وانه‌ی نه‌خۆشخانه‌ی سلێمانی كرا .
ڕاشیگه‌یاندووه: له‌ئێستادا ئاگره‌كه كۆنتڕۆڵ كراوه و لێكۆڵینه‌وه له‌سه‌ر چۆنێتی دروست بوونی ئه‌وئاگره ده‌ستی پێ كردوه..
کۆمێنت (0)
تا ئێستا هیچ کۆمێنتێک نەکراوە.