به‌ربژێرێكی بزووتنه‌وه‌ی گۆڕان بۆ په‌رله‌مانی كوردستان رایده‌گه‌ێنێ، یه‌كێتی به ئه‌نجامدانی شانزه‌ی ئۆكتۆبه‌ر گه‌وره‌ترین خیانه‌تی له‌گه‌لی كورد كرد .
كاروان هاشم، به‌ربژێری بزووتنه‌وه‌ی گۆڕان بۆ په‌رله‌مانی كوردستان له به‌رنامه‌یه‌كی ته‌له‌فزیۆنیدا رایگه‌یاند: ئینشائه‌ڵڵا ئێمه هێزی دووه‌م ده‌بین و ده‌نگه‌كانمان زیاد ده‌كات.
ده‌شڵێت: من نازانم به چ پێوه‌رێك یه‌كێتی ده‌بێته هێزی دووه‌م.
هه‌روه‌ها گوتی: ئه‌گه‌ر سه‌یری چوار ساڵی رابردووی یه‌كێتی بكه‌ین ،ده‌بینن كه گه‌وره‌ترین خیانه‌تیان له‌و گه‌له كردووه، ئه‌وان شانزه‌ی ئۆكتۆبه‌رییان كردووه ، پێم وایه خه‌ڵكی كوردستان له زاكیره‌یان شانزه‌ی ئۆكتۆبه‌ریان له بیر نه‌كردووه.
ئه‌و به‌ربژێره‌ی گۆڕان گوتیشی: پێم وایه به هیچ پێوه‌رێك یه‌كێتی له كوردستان نابێته هێزی دووه‌م.
هه‌روه‌ها هاشم راشیگه‌یاند: ئه‌و هێزه ئیقلمیانه‌ی شانزه‌ی ئۆكتۆبه‌ریان به هاوكاری یه‌كێتی كرد، ئه‌گه‌ر ئێمه بچووباینایه‌ته ژێر داوكاری ئه‌وان، ئێستا هه‌رێمی كوردستان ده‌بووه دوو هه‌رێم.
سه‌رچاوه / رووداو
کۆمێنت (0)
تا ئێستا هیچ کۆمێنتێک نەکراوە.