محەمەد عەلى زینى تەمەن 79 ساڵ کە بەتەمەنترین ئەندامى پەڕلەمانە ڕایگەیاند، ئەمڕۆ لە لایەن چەند کەسێکى گومانلێکراوەوە هێرشکراوەتە سەرم.
محه‌مه‌د زه‌ینی له هه‌ژماری تایبه‌تیی خۆی له تۆڕی كۆمه‌ڵایه‌تیی فه‌یسیبوك نوسیویه‌تی: هه‌ندێك باس له‌و موچه خه‌یاڵییه ده‌كه‌ن كه په‌رله‌مانتارانی عیراق وه‌ریده‌گرن، من یه‌كێكم له‌وانه، له‌وانه‌ش ئێستا ورگم ئاوسا بێت، ئه‌مه‌ش قسه‌ی هیچه.
زه‌ینی نوسیویه‌تی: تائێستا یه‌ك دینارم له هیچ لایه‌نێكه‌وه وه‌رنه‌گرتووه، نه له په‌رله‌مان و نه له ئه‌مینداریه‌تی گشتیی په‌رله‌مان، هه‌موو خه‌رجییه‌كانیش له گیرفانی خۆم ده‌كه‌م.
زینى ئاشكراشیكرد: ئێستا من له هۆتێل ره‌شدی له‌گه‌ڵ پاسه‌وانه‌كانم گه‌مارۆ دراوم، ئه‌وه‌ش دوای ئه‌وه‌ی له‌لایه‌ن چه‌ند كه‌سێكی گوماناوی ویستان هێرش بكه‌نه‌سه‌رم، به‌ڵام پۆلیسی فریاكه‌وتنی به‌غدا گه‌یاندمیانه‌وه ئه‌م هۆتێله و ئه‌مه تائێستا شوێنی نیشته‌جێبونی منه.
زه‌ینی ئاماژه‌ی به‌وه‌شداوه كه "ئه‌م شوێنه زۆر گرانه و وا رانه‌هاتوم له‌م جۆره هۆتێله گرانبه‌هایانه نیشته‌جێ بووم، حه‌ز ده‌كه‌م بڕۆمه شوێنێك كه له‌گه‌ڵ دۆخی داراییم بگونجێت.
محه‌مه‌د زه‌ینی سه‌رۆكایه‌تیی یه‌كه‌م دانیشتنی خولی چواره‌می په‌رله‌مانی عیراق و دانیشتنێكی دیكه‌ی تایبه‌ت به دۆخی به‌سره كرد، زه‌ینی له‌دایكبونی ساڵی 1939یه و وه‌ك به‌ته‌مه‌نترین په‌رله‌مانتاری عیراق به‌شێوه‌یه‌كی كاتی تا پێكهێنانی سه‌رۆكایه‌تیی په‌رله‌مان، دانیشتنه‌كان به‌ڕێوه‌ده‌بات.
کۆمێنت (0)
تا ئێستا هیچ کۆمێنتێک نەکراوە.