لە چەند شوێنێک بانگەشەی هەڵبژاردن قەدەغە دەکرێت

کۆمسیۆنی ھەڵبژاردنی ڕاپرسی ھەرێم ئەو شوێنانەی دیاریکرد کە بانگەشەی لایەنەکانی تێدا قەدەغەیە.

کۆمسیۆن لە ڕاگەیەندراوێکدا کە ئەمڕۆ پێنجشەممە بڵاویكردووەتەوە، ئاماژەی بەوە کردووە" لە ڕۆژانی بانگەشەی ھەڵبژاردنی پەرلەمانی کوردستاندا شوێنە گشتییەکان و ناوەندەکانی دەنگدان و ئاماژەکانی ھاتوچۆ و کەلوپەلەکانی حکومەت و شەقامە قەڵەباڵغەکان بانگەشەی تێدا قەدەغەیە.

ناوی ئەو شوێنانەی کە بانگەشەی تێدا قەدەغەیە:

1- شوێنە گشتییەکان قەدەغەیە، وەکو پارک و باخچە و بینا حکومییەکان.
2- ناوەندەکانی دەنگدان.
3- شوێنەکانی پەرستش و عیبادەت وەک مزگەوت و کەنیسە و شوێنە ئاینییەکان.
4- کەلوپەلەکانی حکومەت و ئۆتۆمبێل و کەرەستەی حکومی.
5- ئاماژەکانی ھاتوچۆ.
6- لەڕووی ژینگەییەوە قەدەغەیە مادەی لکێنەر بەکاربھێنرێت بۆ ھەڵواسینی پۆستەر و ئاڵای لیست و کاندیدەکان، ھەروەھا نوسین لەسەر دیوار.
7- شەقامە قەرەباڵغەکان و شەقامە گشتییەکان.

بڕیارە 30ی ئه‌م مانگه‌ پرۆسه‌ی هەڵبژاردنی پەرلەمانی كوردستان بەڕێوەبچێت و  بانگەشەی هه‌ڵبژاردنیش 11ی ئەم مانگە ده‌ست پێ ده‌كات.