به‌ڕێوه‌به‌رایه‌تی پۆلیسی پارێزگای سلێمانی له ڕاگه‌ێندراوێكدا ڕایگه‌یاند: به‌یانی ئه‌مڕۆ 5-9-2018، پێشمه‌رگه‌یه‌كی حزبی كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران له‌باره‌گای حزب له گوندی زڕگوێزه‌ڵه له‌سنوری پارێزگای سلێمانی گیانی له‌ده‌ستدا.
ڕاشیگه‌یاند: دوای گه‌یشتنی هێزه‌كانی پۆلیس و تیمه‌كانی به‌شی پۆلیسی به‌ڵگه‌ی تاوان ته‌رمی پێشمه‌رگه‌كه ڕه‌وانه‌ی پزیشكی دادوه‌ری له‌شاری سلێمانی كرا و به‌پێی زانیارییه سه‌ره‌تاییه‌كانی پۆلیس پێده‌چێت كۆتایی به‌ژیانی خۆی هێنابێت و ئاسه‌واری فیشه‌كی پێوه دیاربووه .
هه‌روه‌ها له ڕاگه‌ێندراوه‌كه‌دا هاتووه: پێشمه‌رگه‌كه ناوی ( پ ، ع ، د ) ته‌مه‌نی 26 ساڵه و له‌ئێستاشدا له‌لایه‌ن بنكه‌ی پۆلیسی عه‌ربه‌ته‌وه په‌ڕاوی لێكۆڵینه‌وه بۆ ڕوداوه‌كه كراوه‌ته‌وه .
کۆمێنت (0)
تا ئێستا هیچ کۆمێنتێک نەکراوە.