Erbil 35°C دووشەممە 15 تەمووز 09:27

تۆپخانەکانی سوپای تورکیا گوندو ئاواییەکانی سنووری ناوچه‌ی برادۆستیان تۆپباران کرد

به‌ پاساوی هه‌بوونی بنكه‌ و باره‌گاكانی په‌كه‌كه‌
تۆپخانەكانی سوپای توركیا گوندو ئاواییەكانی سنووری ناوچه‌ی برادۆستیان تۆپباران كرد
کوردستان TV
100%

جارێكی دیكه‌ تۆپخانەكانی سوپای توركیا، به‌ پاساوی هه‌بوونی بنكه‌ و باره‌گاكانی پارتی كرێكارنی كوردستان، په‌كه‌كه‌، ده‌ستیان به‌ تۆپبارانكردنی گوندو ئاوایەكانی سنوری ناوچه‌ی برادۆست كرده‌وه‌. 

په‌یامنێری كوردستان تیڤی له‌ ناوچه‌كه‌ رایگه‌یاند: كاتژمێر 7:15 خوله‌كی سه‌رله‌به‌یانی ئه‌مرۆ چوارشه‌مه، تۆپخانه‌كانی سوپای توركیا به‌ پاساوی هه‌بوونی بنكه‌ و باره‌گاكانی پارتی كرێكارنی كوردستان، په‌كه‌كه‌، ده‌ستیان به‌ تۆپبارانكردنی گوندو ئاوایەكانی سنووری ناوچه‌ی برادۆست كردووه‌ته‌وه‌‌ و هه‌وره‌ها بەهۆی تۆپبارانەكەوە، ئاگر لە هەریەك لە چیاكانی كەوەرتی و چیادیل و گەلی خواكورك و دەوروبەری گوندی خەلیفان كەوتۆتەوە، به‌ڵام  تا ئێستادا نەتوانراوە ئاگرەكە كۆنترۆل بكریته‌وه‌. 

هاوكات ئه‌م تۆپبارانه‌ی سوپای توركیا، زیانێكی زۆریشی بە پووش و پاوان و دارستانی هاووڵاتیانی ناوچه‌كه‌ گەیاندووە و بووه‌ته‌ هۆی به‌ركه‌وتنی زیانیكی زۆری ماددی بۆ خاوەن ئاژەڵ و مەروماڵاتەكان، چونكە پێشتر بە مەبەستی لەوەڕاندنی ئاژەڵەكانیان سوودیان له‌و له‌وه‌ڕگه‌ و دارستانانه‌ ده‌بینی.  

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.