بەهۆی ئاگرکەوتنەوە لە مۆزەخانەی بەناوبانگی بەرازیل نزیکەی (20) ملیۆن پارچە کەلوپەلی مێژووی سوتاوە کە بەشێکی زۆری شارستانیەتی وڵاتان لەخۆ دەگرێت.
مێشێل تەمەر، سەرۆکی بەڕازیل رایگەیاند: ئاگرکەوتنەوە لە مۆزەخانەی ریۆ دی جانیرۆی پایتەخت و لەناوچون و سوتانی زۆربەی شوێنەوارە میژوییەکان بووەتە مایەی خەمباریی هاووڵاتیانی بەرازیل.
سەبارەت بە ئاگرەکەش، بەرپرسی تیمی ئاگرکوژێنەوەی پایتەختی بەرازیل رایگەیاندووە، ئێوارەی رۆژی یەکشەممە مۆزەخانەی مێژویی بەرازیل کە ساڵی (1818) دروستکراوە ئاگری گرتوە و بەهۆی بەرفراوانبونی ئاگرەکە و روبەری بینای مۆزەخانەکە زیانێکی زۆری مادیی لێکەوتوەتەوە.
روبەری بینای مۆزەخانەکەی بەرازیل (13) هەزار مەتر چوارگۆشە بووە کە زۆربەی شوێنەوار و کەلوپەلە مێژوییەکانی شارستانیەتی (میسر و یۆنان و رۆم)ی لە خۆ گرتبوو و بەشێکیش لە هاووڵاتیانی ئەو وڵاتە هۆکاری سوتانی ئەو مۆزەخانەیە دەگەڕێننەوە بۆ کەمتەرخەمی حکومەت بڕیارە وەک ناڕەزایەتی خۆپیشاندان دژی سوتانی مۆزەخانەکە ئەنجام بدەن.
کۆمێنت (0)
تا ئێستا هیچ کۆمێنتێک نەکراوە.