وه‌زیری دارایی و ئابووری حكومه‌تی هه‌رێمی كوردستان ڕایگه‌یاند، كار له‌سه‌ر ئه‌وه ده‌كه‌ن بۆ ساڵی 2019 پاشه‌كه‌وتی موچه‌ی فه‌رمانبه‌رانی هه‌رێمی كوردستان لابه‌رین.
ئه‌مڕۆ یه‌كشه‌ممه ڕێباز حه‌ملا وه‌زیری دارایی حكومه‌تی هه‌رێمی كوردستان له‌لێدوانێكی ڕۆژنامه‌وانیدا ڕایگه‌یاند، ئه‌وان کار لەسەر زیادکردنی داهاته‌كانی ناوخۆ و نه‌وت ده‌كه‌ن، بۆ ئەوەی بتوانن لەگەڵ هاتنی ساڵی نوێ پاشکەوتی مووچە نەهێڵن.
وه‌زیری دارایی هه‌رێم باسی له‌وه‌شكرد، ئێستا سه‌رقاڵی ئاماده‌كردنی بودجه‌ی ساڵی 2019ی هه‌رێمی كوردستانن.
له‌باره‌ی ناردنی پاره له‌به‌غداوه بۆ موچه‌ی فه‌رمانبه‌رانی هه‌رێم ڕێباز حه‌ملان ئاشكرایكرد، به‌غدا به‌ڵێنیداوه پاره‌ی زیاتر بۆ هه‌رێمی كوردستان بنێرێت.
کۆمێنت (0)
تا ئێستا هیچ کۆمێنتێک نەکراوە.