دوێنێ شەممە شاندی هاوبەشی پارتی و یەکێتی گەیشتنە بەغدا و یەکەم دیداریشان لە کۆشکی سەرۆکایەتی لەگەڵ فوئاد مەعسوم، سەرۆککۆماری عێراق ئەنجامدا، ئەوەی لەو کۆبوونەوەیە تەئکیدی لەسەرکرایەوە یەکڕیزی کوردبوو.
ئەمڕۆش شاندی ھاوبەشی یەکێتیی نیشتمانیی کوردستان و پارتی دیموکراتی کوردستان لە بەغداد سەردانی نووسینگەی ئوسامە نوجێفییان کرد و لەبارەی پرسی پێکھێنانی حکومەتی نوێی عێراقەوە گفتوگۆیان کرد.
بریاریه‌ش پاش كه‌مێكی دیكه شاندی هاوبه‌شی پارتی و یه‌كێتی له‌گه‌ڵ هادی عامری كۆببێته‌وه.
دوای دوێنێ کۆبوونەوەیان لەگەڵ فوئاد مەعسوم سەرۆک کۆماری عێراق بۆ تاووتوێکردنی پرسی پێکھێنانی حکومەتی نوێی عێراق، ئەمڕۆ شاندی ھاوبەشی پارتی و یەکێتی لە بەغدا سەردانی نووسینگەی ئوسامە نوجێفییان کرد و گفتوگۆیان کرد لەبارەی پێکھێنانی حکومەت و بەدەستھێنانی داواکارییەکانی کورد لە حکومەتی داھاتووی عێراق.
لە کۆبوونەوەکەدا ھەریەک لە سەلیم جبوری و خەمیس خەنجەر و ئەحمەد جبوری و جەمال کەربولی و فەلاح زێدان ئامادەبوون، بڕیارە شاندی ھاوبەشی پارتی و یەکێتی لە کۆبوونەوەکاندا پڕۆژەیەک سەبارەت بە داخوازییەکانی کورد پێشکەش بە لایەنەکانی عێراق بکەن و ھەر لایەنێکی زۆرترین داواکاری کورد جێبەجێبکات، ئەوا پارتی و یەکێتی پشتیوانی دەکەن.
شاندی پارتی پێكهاتوون له فازڵ میرانی سكرتێری مه‌كته‌بی سیاسی پارتی دیموكراتی كوردستان و فوئاد حوسێن سه‌رۆكی دیوانی سه‌رۆكایه‌تی هه‌ریمی كوردستان و جه‌عفه‌ر ئیمینكی ئه‌ندامی مه‌كته‌بی سیاسی و به‌نگین رێكانی.
هه‌روه‌ها شاندی یه‌كێتی پێكهاتوون له مه‌لا به‌ختیار به‌رپرسی ده‌سته‌ی كارگێری مه‌كته‌بی سیاسی یه‌كێتی و سه‌عدی ئه‌حمه‌د پیره و خالید شوانی و فریاد رواندزی.
کۆمێنت (0)
تا ئێستا هیچ کۆمێنتێک نەکراوە.