دوای هێنانه خواره‌وه‌ی وێنه‌ی جه‌لال تاڵه‌بانی، سه‌رۆك كۆماری پێشووی عێراق له‌لایه‌ن راكان جبووری، پارێزگاری كه‌ركوك به وه‌كاله‌ت ، وته‌بێژی حكومه‌تی عێراق ره‌تی ده‌كاته‌وه كه هیچ گشتاندنێك بۆ لابردن و هێنانه خواره‌وه‌ی وێنه‌ی سه‌ركرده‌كان و سیمبوله سیاسییه‌كان كرابێت.
سه‌عد حه‌دیسی، وته‌بێژی حكومه‌تی عێراق له لێدوانێكی رۆژنامه‌وانی رایگه‌یاند: له‌لایه‌ن ئه‌نجومه‌نی وه‌زیرانی عێراقه‌وه هیچ گشتاندنێك بۆ لابردن و هێنانه خواره‌وه‌ی وێنه‌كانی تایبه‌ت به سه‌ركرده‌كان و سیمبوله فه‌رمییه‌كانی وه‌ك سه‌رۆك كۆمارو سه‌رۆكی ئه‌نجومه‌نی وه‌زیران نییه.
لێدوانه‌كه‌ی وته‌بێژی حكومه‌تی عێراق له كاتێكدایه كه راكان جبووری پارێزگاری كه‌ركوك به وه‌كاله‌ت رایگه‌یاندبوو: لابردنی وێنه‌كه‌ی جه‌لال تاڵه‌بانی، سه‌رۆك كۆماری پێشووی عێراق له نێو باڵه‌خانه‌ی پارێزگای كه‌ركوك جێبه‌جێكردنی رێنماییه‌كانی ئه‌میندارێتی گشتی ئه‌نجومه‌نی وه‌زیرانه.
ئاماده‌كردنی/ رزگار
سه‌رچاوه / به‌غداد ئه‌لیۆم
کۆمێنت (0)
تا ئێستا هیچ کۆمێنتێک نەکراوە.