فەرمانگەی تەندروستی بەغدا ھۆشداری دەدات لە بڵاوبوونەوەی پەتای کۆلێرا لە پارێزگاکەداو رێکاری پێویست بۆ رێگریکردن لە بڵاوبوونەوەی پەتاکە دەگرێتەبەر.
نازک فەتلاوی بەڕێوەبەری فەرمانگەی تەندروستی گشتی بەغدا لە لێدوانێکی رۆژنامەوانیدا رایگەیاندووە" وێستگەکانی ئاو لە بەغدا لەژێر چاودێری ورددان لەلایەن لایەنە پەیوەندیدارەکانەوە، چونکە رۆژانە چەندین حاڵەتی توشبوون بە نەخۆشییە جیاوازەکان تۆماردەکرێت، ئەوەش وادەکات تیمە تەندروستییەکان بڕی ئەو کلۆرەی دەیکەنە ناو ئاوەوە زیادی بکەن و رێکاری پێویستیش گیراوەتەبەر بۆ دانانی سنوورێک بۆ پیسبوونی ئاوی بەغدا.
بەرێوەبەری فەرمانگەی تەندروستی گشتی بەغدا ھۆشداریشی داوە لە بڵاوبوونەوەی پەتای کۆلێرا لەناو پارێزگای بەغدا، ئەوەش بەھۆی ئەوەی ئەو پەتایە لەرێی ئاوەوە بڵاودەبێتەوە.
کۆمێنت (0)
تا ئێستا هیچ کۆمێنتێک نەکراوە.