کۆمسیۆنی باڵای سەربەخۆی هەڵبژاردن و ڕاپرسی ڕایگەیاند" تاكو ئێستا هیچ نووسراوێکیان بۆ دواخستنی هەڵبژاردن ئاڕاستەیان نەکراوە و پێشیان وایە کە لەکاتی خۆیدا هەڵبژاردن ئه‌نجام ده‌درێت.
شیروان زرار وتەبێژی کۆمسیۆنی هەرێم له لێدوانێكی ڕۆژنامه‌وانیدا ڕایگه‌یاند" لە ئامادەکارییەکانمان بۆ هەڵبژاردنی پەرلەمانی کوردستان بەردەوام دەبین و پێمان وایە هەڵبژاردن لەکاتی خۆیدا دەکرێت.
ئاماژەی بەوەش کرد، ئەمڕۆ لە کۆبوونەوەیەکدا تاوتوێی تانەی پێنج لایەن دەکەن لە تۆماری دەنگدەران و ئەو بەدواداچوونانەی دیکەی کە کۆمسیۆن پێشتر ئەنجامی داون.
ڕۆژی ١٣ی ئەم مانگە، کۆمسیۆن ماوەی بانگەشەی ھەڵبژاردنی پەرلەمانی کوردستانی دیاریکرد کە لە کاتژمێر ١٢ی شەوی ٥ی ئەیلولەوە دەستپێدەکات و کاتژمێر ٨ی بەیانی ٢٨ی ئەیلول کۆتایی دێت.
بڕیارە هەڵبژاردنی پەرلەمانی کوردستان لە ٣٠ی ئەیلولی ئەمساڵ بەڕێوەبچێت و زیاتر لە سێ ملیۆن و ١٤٥ هەزار هاوڵاتی لە هەر چوار پارێزگاکەی هەرێم مافی دەنگدانیان هەیە.
کۆمێنت (0)
تا ئێستا هیچ کۆمێنتێک نەکراوە.