هێزەکانی پەکەکە لە چیای دێل لەسنوری دەشتی هێرتی دەڤەری سیدەکان بەچەکی سوک هێرشیان کردە سەر بنکەی سەربازی سوپای تورکیا، له‌به‌رامبه‌ردا سوپای توركیاش تۆپبارانی ناوچەکەی کرد و ژمارەیەک سەر ڕەشەوڵاغ و مانگای هاووڵاتیەکی گوندی بەلەسنان لەنێوچوون.
کاتژمێر 7:00 ی بەیانی ئەمڕۆ هێزەکانی پەکەکە لەچیایی دێل لەسنووری دەشتی هێرتی دەڤەری سیدەکان بەچەکی سوک هێرشیان کردە سەر بنکەی سەربازی سوپای تورکیا و بۆ ماوەی پترلە 20 خولەک شەڕو تەقە لەنیوان هەردوولا ڕوویدا .
بەپێی قسەی دانیشتوانی گونده كانی لێلکان و کونەرە ، دوای شەڕو تەقەی نێوان چەکدارانی پەکەکە و سەربازان و سوپای تورکیا تۆپبارانی ناوچەکەی کرد و چەند گولەتۆپێک بەر نزیك گوندەکانی ناومێرگان وکونەر وبەلەسنان ،کەوتون و بەهۆیه‌وە ژمارەیەک سەر ڕەشەوڵاغ و مانگای هاووڵاتیەکی گوندی بەلەسنان لەنێوچوون.
کۆمێنت (0)
تا ئێستا هیچ کۆمێنتێک نەکراوە.