به‌مه‌به‌ستی كه‌مكردنه‌وه‌ی رۆتینات له داموده‌زگاكانی حكوومه‌ت و كارئاسانی بۆ راییكرنی مامه‌ڵه‌ی هاووڵاتیان، حكوومه‌تی هه‌رێمی كوردستان پۆڕتاڵی خزمه‌تی راگه‌یاند .
ئه‌م پڕۆژه‌یه له‌لایه‌ن وڵاتی ئه‌مریكاوه به‌رهه‌مهاتووه و پاڵپشتی ده‌كرێت .
ستیڤ ڤه‌یگن كونسوڵی ئه‌مریكا له هه‌ولێر به ده‌زگاكانی راگه‌یاندنی راگه‌یاند: حكومه‌تی ویلایه‌ته یه‌كگرتووه‌كانی ئه‌مریكا له رێگه‌ی ئاژانسی نێوده‌وڵه‌تی ئه‌مریكی بۆ په‌ره‌پێدانی نێوده‌وڵه‌تی یارمه‌تی حكومه‌تی هه‌رێمی كوردستان ده‌دات بۆ ئه‌وه‌ی پڕۆژه‌كانی چاكسازی جێبه‌جێ بكات .
له‌مه‌ودا هاووڵاتیان له هه‌ر دام و ده‌زگایه‌كی حكوومه‌ت مامه‌ڵه‌یان هه‌بێت ئه‌وا ده‌توانن به‌هۆی سه‌ردانیكردنیان بۆ پۆرتاڵی خزمه‌ت، سوود وه‌رگرن له چۆنیه‌تی ده‌ستپێكردنی مامه‌ڵه‌كانیان كه ئه‌مه‌ش خۆی له خۆیدا شه‌فافیه‌ت له كاری حكوومه‌ت درووست ده‌كات و هاوكات ده‌بێته هۆی خێرایی له راپه‌ڕاندنی كار و مامه‌ڵه‌ی هاووڵاتیان له دام و ده‌زگا حكوومیه‌كاندا .
کۆمێنت (0)
تا ئێستا هیچ کۆمێنتێک نەکراوە.