به‌پێى سه‌رچاوه‌یه‌كى به‌رپرس له وه‌زاره‌تى دارایی و ئابووری هه‌رێمى كوردستان هه‌فته‌ى داهاتوو له 5ى ئه‌یلولی 2018 ده‌ست به دابه‌شكردنى مووچه‌ى مانگی حوزه‌یران ده‌كرێت .
ئه‌و سه‌رچاوه‌یه ڕاشیگه‌یاند: یه‌كه‌م و دووه‌م وه‌زاره‌ت له نێو لیستى مووچه‌ى ئه‌و مانگه‌دا وەزارەتەكانی پێشمه‌رگه و په‌روه‌رده وه‌ری ده‌گرن .
سه‌رچاوه‌كه ڕاشیگه‌یاند: به‌پێى ئه‌و خشته‌یه‌ی له به‌رده‌می وه‌زاره‌ته دوای پێشمه‌رگه و په‌روه‌رده مووچه‌ى شوێنه‌كانى دیكه‌ش دابه‌ش ده‌كرێت .
سه‌رچاوه‌كه ڕاشیگه‌یاند: به بڕیاری وه‌زیری دارایی و ئابووری له‌مه‌ودوا مانگانه دابه‌شكردنی مووچه له یه‌ك واده‌دا ده‌بێت و چیتر دواناكه‌وێت .
پێش جه‌ژنی قوربان مووچه‌ی سه‌رجه‌م وه‌زاره‌ته‌كان و خانه‌نشینان دابه‌شكرا، به‌مه‌ش كۆتایی هات به دابه‌شكردنی مووچه‌ی مانگی ئایار، به‌ڵام وه‌زاره‌تی دارایی بڕیاریداوه خشته‌ی دابه‌شكردنی مووچه بڵاونه‌كاته‌وه و به‌پێی داهات مووچه دابه‌ش بكات .
مانگانه دابه‌شكردنی مووچه به دوو شێوە دەدرێت بەشێکیان لەسەر داهاتی نەوت و لەلایەن ناوخۆی هه‌رێمی كوردستانەوە دەدرێت، بەشێکی دیکەشیان لە 317 ملیار دیناری پشكی هه‌رێم دەدرێت کە مانگانە له به‌غداوه دەنێردرێت .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.