کوردێک له‌ فیلمێکی هۆڵیوود به‌شداری ده‌کات

خانمه‌ ئه‌كته‌ری كورد " بێڵجیم بێڵجین " به‌شداری له‌ فیلمێكی هۆڵیوود به‌ ناوی Backstabbing for Beginners" ده‌كات .

ئه‌م فیلمه‌ ده‌رباره‌ی گەندەڵییەكانی بەرنامەی نەوت بەرانبەر خۆراكی نەتەوە یەكگرتووەكانە لە عێراق ، پێڕفڵای  كاری ده‌رهێنانی بۆ فیلمه‌كه‌ كردووه‌ و هه‌ریه‌ك له‌  ئەكتەری ناوداری هۆڵیوود "بێن گینگسڵی و تیۆ جەیمس " ڕۆڵی پاڵەوانیان تێدا گێڕاوە و خانمه‌ ئه‌كته‌ری كوردی باكوری كوردستان  " بێڵجیم بێڵجین " یه‌كێ له‌ رۆڵه‌ سه‌ره‌كییه‌كانی ئه‌م فیلمه‌ی پێدراوه‌ .

ئه‌م ئه‌كته‌ره‌ كورده‌  له‌م فیلمەدا ڕۆڵی كچە كوردێك دەبینێ كە بنەماڵەكەی لە كارەساتی كیمیابارانی هەڵەبجەدا بوونەتە قوربانی ، پێشتر وەكو خانمە پاڵەوان لە فیلمی (كیلۆمەتر سفر)ی دەرهێنەری كورد هونەر سەلیمدا بەشداری كردبوو، به‌ڵام ئه‌مه‌ یه‌كه‌مین فیلمی هۆڵیووده‌ كه‌ ئه‌م ئه‌كته‌ره‌ كورده‌ رۆڵی تێدا ده‌بینێت .

فیلمی Backstabbing for Beginners لە مانگی نیسانی ئەمساڵەوە لە سینەماكانی ئەمریكا و جیهاندا دەست بەپەخشی كراوە.