ئومێد خۆشناو سه‌رۆكى فراكسیۆنى پارتى دیموكراتى كوردستان له‌هه‌ژماری خۆی له‌تۆڕی كۆمه‌ڵایه‌تى فه‌یس بووك نووسیویه‌تى ، پرسیارێک ده‌رباره‌ی بازگه‌ی پردێ ،دوێنێ به‌خۆشحاڵیه‌وه بازگه‌ی پردی کرایه‌وه ، به‌ڵام له به‌یانیه‌وه پرسیارێک له‌لام دروست بووه. ، ئه‌رێ ئه‌وانه‌ی خاکیان فرۆشت و که‌رکوک یان هه‌رزان بازاڕکرد،ده‌بێ جارێکیتر ڕوویان هه‌بێ به بازگه‌ی پردی بێنه هه‌ولێر و بگه‌ڕێنه‌وه؟ ئه‌وه پرسیارێکه‌و وه‌ڵامه‌که‌ی نازانم.
له‌كۆتادا ناوبراو ڕایده‌گه‌ێنێت ،دڵنیابن تا له‌ژیان مابین ١٦ی ئۆکتۆبه‌ری خیانه‌تکار له‌بیرناکه‌ین....
دوێنێ یه‌كشه‌ممه له‌كۆنگره‌یه‌كى ڕۆژنامه‌وانیدا لیوا عه‌بدولخالق ته‌لعه‌ت به‌ڕێوه‌به‌ری پۆلیسى هه‌ولێر ڕایگه‌یاند ، دوای هەوڵ و ماندوبونێکی زۆر به‌چاكردنه‌وه‌ى جسری پردێ ڕێگای سەرەکی نێوان (هەولێر - کەرکوک) بۆ هاوڵاتیان كرایه‌وه كه‌تێیدا ده‌توانن هاتووچۆی تێدا بكه‌ن ئه‌مه‌ش ڕێگایه‌كی خۆشکەر ده‌بێت بێت بۆ هاوڵاتیانی شاری هەولێر و کەرکوک بۆ ڕاپەڕاندنی کاری ڕۆژانەیان بەشێوەیەکی ئاسان.
دوای 16ی ئۆكتۆبەر له شارۆچكه‌ی پردێی سەر بە پارێزگای كەركووك بەھۆی ھێرشی حەشدی شەعبی و ھێزەكانی عێراق بۆ سەر سەنگەرەكانی پێشمەرگە زیانی بەركەوتوو، بەوھۆیەوەشە ھاتووچۆ لەو رێگەیه پەكی كەوت، دوای ئاسایی بوونەوەی دۆخەكە ھەرێمی كوردستان یەكلایەنە لە لای خۆیەوە رێگاكەی كردەوە .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.