دادگای فیدراڵی ئه‌نجامی هه‌ڵبژاردنه‌کانی مانگى ئایاری رابردووی په‌سند کرد

دادگای فیدراڵی عێراق ئه‌نجامی هه‌ڵبژاردنه‌كانی مانگى ئایاری رابردووی ئه‌نجومه‌نی نوێنه‌رانی عێراقی په‌سند كردو ناوی براوه‌كانی ئاشكرا كرد .

ئیاس سامۆك وته‌بێژی فه‌رمی دادگای فیدراڵی عێراق له‌ راگه‌یاندراوێكدا ئاشكرای كردوه‌، دادگای فیدارڵی ئه‌مرۆ یه‌كشه‌ممه‌ 19/8/2018 به‌ئاماده‌ بوونی سه‌رجه‌م ئه‌ندامانی كۆبونه‌وه‌یه‌كی ئه‌نجامداو تیادا ئه‌نجامی كۆتایی هه‌ڵبژاردنه‌كانی ئه‌نجومه‌نی نوێنه‌رانی په‌سند كرد .

له‌ راگه‌یاندراوه‌كه‌ی وته‌بێژی دادگای فیدراڵی ئه‌وه‌ش هاتووه‌، كه‌ دادگا وردبینی بۆ سه‌رجه‌م ناوه‌كان كردوه‌ ، كه‌ له‌لایه‌ن كۆمسیۆنی باڵای هه‌ڵبژاردنه‌كان ره‌وانه‌ كرابوون، وه‌ پێداچوونه‌وه‌ به‌سه‌رجه‌م تانه‌كان كراوه‌و به‌كۆی ده‌نگ دوای نیوه‌رۆی ئه‌مرۆ بریاردرا سه‌رجه‌م ناوه‌كان په‌سه‌ند بكرێت .

هاوپەیمانیی و لیستە براوەکان:-

- هاوپەیمانیی سائیرون بە سەرۆکایەتیی موقتەدا سەدر، 54 کورسی

- هاوپەیمانیی فەتح (حەشدی شەعبی) بە سەرۆکایەتیی هادی عامری، 47 کورسی

- هاوپەیمانیی نەسر بە سەرۆکایەتیی حەیدەر عەبادی، 42 کورسی

- لیستی پارتی دیموکراتی کوردستان، 25 کورسی

- هاوپەیمانیی دەوڵەتی یاسا بە سەرۆکایەتیی نوری مالیکی، 25 کورسی

- ئیئتیلافی نیشتمانی بە سەرۆکایەتیی ئەیاد عەللاوی، 21 کورسی

- رەوتی حیکمەی نیشتمانی بە سەرۆکایەتیی عەمار حەکیم، 19 کورسی

- لیستی یەکێتیی نیشتمانیی کوردستان، 18 کورسی

- هاوپەیمانیی قەرار بە سەرۆکایەتیی ئوسامە نوجەیفی، 14 کورسی