له‌ڕاگه‌یاندراوێكدا كه‌وێنه‌یه‌ك ده‌ست ماڵپه‌رى كوردستان تیڤی كه‌وتووه ، قائیمقامییه‌تى قه‌زای ناوه‌ندی سلێمانى ڕایده‌گه‌ێنێت ، لیژنه هاوبه‌شه‌كانی قائیمقامیه‌ت به‌رده‌وامه له رێگری كردن له سه‌ربڕینی ئاژه‌ڵ و فرۆشتنی گۆشته‌كه‌ی له‌سه‌ر شه‌قام و شاڕێكارن به نایاسایی.
گۆران قادر، سه‌رۆكی لیژنه هاوبه‌شه‌كان رایگه‌یاند؛ بە مەبەستی ڕێگری كردن لە سەربڕینی ئاژه‌ڵ و فرۆشتنی گۆشته‌كه‌ی لەسەر شەقام وشوێنەگشتییەكانی ناوشاری سلێمانی، لیژنەی سێ دەستیان گرت بەسەر زیاتر له حه‌فتا كیلۆگرام گۆشتی سور لەسەر شەقامی گشتی سلێمانی – تاسڵوجە، كه‌به‌ده‌ر له رێنمایه‌كانی ڤێتێرنه‌ری و تهندروستی سه‌ربڕابوون.
وتی؛ به‌پێی رێنماییه‌كانی به‌ڕێوه‌به‌رایه‌تیه‌كانی تهندروستی و ڤێتێرنه‌ری سلێمانی، پێویسته ئاژه‌ڵ به‌ر له‌سه‌ربڕین و پاش سه‌ربڕین پشكنینی بۆ ئه‌نجام بدرێت تا دڵنیا بنه‌وه له سه‌لامه‌تی گۆشته‌كه بۆ خواردن و نه‌بونی زیان بۆسه‌ر تهندروستی مرۆڤ.
رونیكرده‌وه؛ ئه‌و ئاژه‌ڵه‌ی به‌ده‌ر له رێنماییه‌كان و له‌ده‌ره‌وه‌ی كوشتارگه‌كان سه‌رده‌بڕرێت پشكنینه‌كانی بۆ ئه‌نجام نه‌دراوه، خواردنی گۆشته‌كه‌ی مه‌ترسی بۆسه‌ر تهندروستی مرۆڤ دروستده‌كات.
وتیشی؛ به‌فه‌رمانی قائیمقامی سلێمانی ئه‌و گۆشته‌ی له‌لایه‌ن لیژنه‌هاوبه‌شه‌كانه‌وه ده‌ستی به‌سه‌ردا گیراوه راده‌ستی به‌ڕێوه‌به‌رایه‌تی ڤێتێرنه‌ری سلێمانی ده‌كرێت و ئه‌و كەلوپەلانەی لەپیشه‌كه‌دا بەكارهێنراون له‌لایه‌ن لیژنه‌ی له‌ناوبردنه‌وه، له‌ناوبراون.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.