لەکۆی ٥٤٦٩ حاجی ھەرێمی کوردستان، حاجی (حه‌مه‌د ئیبراھیم ئه‌بوبه‌كر) سکتانی لەدایک بووی ساڵی ١٩٢٠ه‌و خەڵکی ناحیە ى سکتانى سه‌ر به پارێزگاى هه‌ولێره، ناوبراو ڕایگەیاند کە زۆر خۆشحاڵە خوای گەورە یارمەتی داوه حەجی پیرۆزی بۆ ڕەخساندووە، هه‌روه‌ها گوتی: گەرچی تەمەنێکی زۆرم ھەیە، بەڵام سوپاس بۆ خوا ھەرچۆنێک بێت کارەکانی خۆم و پێداویستییەکانم جێ بەجێ دەکەم. ئەمە وێڕای زۆر سوپاسی ستافی كارگێڕی و هاوسه‌فه‌ره‌كانی کرد کە ھەموو ھاوکارییەکی دەکەن، حاجی حه‌مد سڵاوی ھەبوو بۆ کەس و کار و ئازیزان و ھەموو خەڵکی کوردستان، و داوای لەخوای گەورە کرد کە ھەموولایەک پارێڕزراو بکات و حاجیانیش بەسەلامەتی بگەڕێنەوە ناو کەس و کاریان.
جێگەی ئاماژەیە بچوکترین حاجیش ناوى عه‌بدوڵڵا سابیره و تەمەنی ١٨ ساڵە و خه ڵكى پاریزگای هه ولێره و یاوەری کەس و کاریەتی .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.