سیروان بارزانی، به‌رپرسی میحوه‌ری گوێر- مه‌خموری هێزه‌كانی پێشمه‌رگه‌ی هه‌رێمی كوردستان له‌باره‌ی گه‌رانه‌وه‌ی هێزه‌كانی پێشمه‌رگه بۆ كه‌ركوك و ناوچه دابڕێندراوه‌كان به ده‌نگی ئه‌مریكا راگه‌یاندووه: ئه‌گه‌ر به‌هه‌ماهه‌نگی بێت له‌گه‌ڵ هاوپه‌یمانان و هێزه عێراقیه‌كان به‌ڵێ ئاماده‌ین بچینه‌وه ناوچه دابڕێندراوه‌كان ، به‌ڵام مه‌رجی خۆمانمان هه‌یه.
هه‌روه‌ها گوتی: له‌دوای خیانه‌ته‌كه‌ی كه‌ركوك ئاسایشی ئه‌و ناوچانه زۆر خراپ بووه، له‌كوشتن و دزی و ته‌قینه‌وه زیادی كردووه، خه‌ڵكی "سڤیل"یش ئاسایشی پێ له‌هه‌موو شت گرنگتره، ئه‌و ناوچانه‌ی پێشمه‌رگه‌ی لێبێت بێگومان سه‌روماڵی هاوڵاتیان پارێزراوه.
گوتیشی: له لایه‌ن وه‌زاره‌تی پێشمه‌رگه‌وه بۆ هه‌رشوێنێك فه‌رمان پێ بكرێت، ئێمه ئاماده‌ین وه‌ك پێشمه‌رگه بچینه ئه‌و شوێنه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.