له یه‌كێك له قوتابخانه‌كانی ناحیه‌ی كه‌سنه‌زان به‌ڕێوه‌به‌ری قوتابخانه‌یه‌ك بڕی 5 ملیۆن دیناری عێراقی بۆ حكومه‌ت ده‌گه‌ڕێنێته‌وه، كه له كاتی وه‌رگرتنی مووچه‌ی مامۆستایان به هه‌ڵه‌ی فه‌رمانبه‌رێكی بانك به زیاد وه‌ری گرتبوو.
مامۆستا "جه‌بار قادر" به‌ڕێوه‌به‌ری قوتابخانه‌ی "شه‌هید حه‌سه‌ن نه‌جاری بنه‌ڕه‌تی"یه، له سنووری په‌روه‌رده‌ی ده‌شتی هه‌ولێر، ناوبراو له كاتی وه‌رگرتنی مووچه‌ی مامۆستایانی قوتابخانه‌كه‌ی له بانكی بنه‌سڵاوه، 5 ملیون دیناری عێراقی زیادی پیدراوبوو، دوای ژماردنی پاره‌كه‌و زانینی ئه‌و هه‌ڵه ژمێریارییه، پاره‌كه‌ی گه‌ڕانده‌وه بۆ بانكی بنه‌سڵاوه.
له‌سه‌ر ئه‌م كاره ڕه‌وشتبه‌رزی ده‌ستپاكییه‌ی به‌ڕێوه‌به‌ره‌ی ئه‌و قوتابخانه‌یه، به‌ڕێوه‌به‌رایه‌تی په‌روه‌رده‌ی ده‌شتی هه‌ولێر ستایشی ده‌ستپاكی و ئه‌و كاره جوانه‌ی ناوبراوی كرد.
کۆمێنت (0)
تا ئێستا هیچ کۆمێنتێک نەکراوە.