به‌ره‌به‌یانی ئه‌مڕۆ هێزه‌كانی په‌كه‌كه هێرشیان كرده سه‌ر سوپای توركیاو تا ئێستا زه‌ره‌رو زیانه‌كانی هه‌ردوولا نه‌زانراون.
ئه‌مڕۆ كاتژمێر 4:30 خوله‌كی به‌ری بیانی، مه‌فره‌زه‌یه‌كی په‌كه‌كه به‌شێوه‌ی پارتی زانی له‌چیای كه‌وێت له‌سنوری نێوان ده‌ڤه‌ری سیده‌كان مێرگه‌سۆر هێرشیان كرده سه‌ر بنكه‌یه‌كی سه‌ربازی توركیا و به‌پێی زانیارییه‌كانی كوردستان تیڤی په‌كه‌كه به‌ئارپێجی و بیكه‌یسی هێرشه‌كه‌یان ئه‌نجام داوه و شه‌ڕه‌كه بۆ ماوه‌ی 15 خوله‌ك به‌رده‌وه‌م بووه.
هه‌ر به پێی زانیارییه‌كان زیانه‌كانی هێرشه‌كه تا ئێستا نه‌زانراون.
له‌م باره‌یه‌وه په‌یامنێری كوردستان تیڤی له سیده‌كان پێی ڕاگه‌یاندین: بۆجاری سێه‌مه له‌م هه‌فته‌یه‌دا په‌كه‌كه له‌چیای كه‌وێت هێرش ده‌كاته سه‌ر سوپای توركیا.
شایه‌نی باسه شه‌وی ڕابردوش هه‌لی كۆپته‌ره جه‌نگییه‌كانی توركیا چیای ئاوده‌ل كیویان بۆردوومان كرد و به‌هۆی بۆردوومانه‌كه‌شه‌وه ئاگر له چیاكه كه‌وته‌وه.
کۆمێنت (0)
تا ئێستا هیچ کۆمێنتێک نەکراوە.