له دوای سووتانی زیاتر له 100 دووكان له بازاڕی قه‌یسه‌ری شاری هه‌ولێر و زیان به‌ركه‌ووتنی زیاتر له 3 ملیۆن دۆلار له دووكانداران و كاسبكاران، دوای نیوه‌ڕۆی دوێنێ یه‌كه‌م سندوقی كۆكردنه‌وه‌ی هاوكاری له ناو بازاڕی قه‌یسه‌ری دانرا بۆ یارمه‌تیدانی زیانبه‌ركه‌وتوان و نۆژه‌نكردنه‌وه‌ی بازاڕه‌كه.
شایه‌نی باسه كاتژمێر 9ی شه‌وی 4/8 2018 ئاگرێك له به‌شێكی بازاڕی قه‌یسه‌ری له‌شاری هه‌ولێر كه‌وته‌وه و پاش چه‌ندین كاتژمێر له دامركاندنه‌وه‌ی دیسانه‌وه ئاگره‌كه سه‌رهه‌ڵده‌داته‌وه و چه‌ندین دوكانی دیكه له‌گه‌ڵ خۆیدا ده‌سووتێنێت.
له باره‌ی سووتانی بازاره‌كه‌شه‌وه قائیمقامی هه‌ولێر ده‌ڵێت: به‌هۆی نزیكبوونه‌وه‌ی جه‌ژنه‌وه، دوكانداران بڕێكی زۆر جلوبه‌رگیان له‌دوكانه‌كانیان داناوه، بۆیه كۆنترۆڵكردنی ئاگره‌كه كارێكی ئه‌سته‌م بوو.
له‌باره‌ی هۆكاری كه‌وتنه‌وه‌ی ئاگره‌كه‌ش گوتی: به‌گوێره‌ی لێكۆڵینه‌وه سه‌ره‌تاییه‌كان، به‌هۆی شۆرتی كاره‌با ئاگره‌كه كه‌وتووه‌ته‌وه.
کۆمێنت (0)
تا ئێستا هیچ کۆمێنتێک نەکراوە.