فازڵ حاجی گوته‌بێژى به‌ڕێوه‌به‌رایه‌تى هاتووچۆى هه‌ولێر له‌ڕاگه‌یاندراوێكدا كه له‌هه‌ژماری خۆی بڵاوى كردووه‌ته‌وه ڕایده‌گه‌ێنێت: كاتژمێر 8:30 به‌یانى ئه‌مڕۆ یه‌ك شه‌ممه 5ى ئابی 2018 ، له‌ناو سه‌نته‌ری قه‌زای ده‌شتی هه‌ولێر (بنه‌سلاوه ) له نزیك بازاڕی سه‌ره‌كی قه‌زاكه، ئۆتۆمبێلێكی جۆری شۆڤرلێت ئۆپترا كه گه‌نجیَكی سه‌ر گه‌رم لێی ده‌خوڕی به‌خێراییه‌كی زۆره‌وه خۆی كێشا به‌ئۆتۆمبێلێكی وه‌ستاو كه له جۆری هیوندای بوو.
ناوبراو ڕاشیگه‌یاند: له‌ئه‌نجامی ڕووداوه‌كه شۆفێره گه‌نجه‌كه زامداربوو له‌گه‌ڵ زیانێكی ماددی زۆر به‌ر هه‌ردوو ئۆتۆمبێل كه‌وت.
فازڵ حاجی ڕاشیده‌گه‌ێنێت: بانگه‌وازێك بۆ دایكان وباوكان ده‌كه‌ین كه زیاتر ئاگاداری كوڕه هه‌رزه‌كاره‌كانیان بن ، چاودێریان بكه‌ن بزانن كه چۆن لێخوڕین ده‌كه‌ن، ناكرێت به‌وه خۆیان هه‌ڵخه‌له‌تێنن كه‌وا ڕێگایه‌كان خراپن كوڕه‌كانی ئه‌وان بێ تاوانن ، چونكه هه‌ر له‌م ڕووداوه هه‌ر كه‌سیك سه‌یری وێنه‌كان بكات و قه‌ره‌باڵغی بازاڕی بنه‌سلاوه بێنێته پێش چاوی خۆی ده‌زانێت كه ئه‌وه به‌چ خێراییه‌ك بووه ئه‌م لێخوڕینه و وه چ مه‌ترسیه‌كی دروستكردووه.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.