سه‌رله به‌یانی ئه‌مڕۆ له گوندێكی سه‌ر به قه‌زای زاخۆ له نێوان كوردستانی توركیا قه‌زای زاخۆ له ئه‌نجامی گوله‌یه‌كی سوپای توركیا گه‌نجێكی ئێزیدی كوژرا.
سه‌عد سه‌عدۆ كه‌سی نزیكی ئه‌و گه‌نجه‌یه و گوتی: ئه‌مڕۆ به‌یانی ئێمه ژماره‌یه‌ك كه‌س له‌ناو بێستانێكدا بووین و سه‌رقاڵی كاركردن بووین كه ئه‌و گونده ده‌كه‌وێته سه‌ر سنووری قه‌زای زاخۆ و كوردستانی توركیا، له‌پڕ گوله‌یه‌ك له ئاسمانی توركیاوه به‌ره‌و بێستانه‌كه هات و به‌ر سه‌ری یه‌كێك له‌و كه‌سانه كه‌وت كه له‌گه‌ڵ ئێمه كاری ده‌كرد و ده‌ست به‌جێ گیانی له‌ده‌ستدا.
هه‌روه‌ها گوتیشی: ئه‌و گه‌نجه‌ی كوژراوه ناوی ماهر عه‌لییه و خه‌ڵكی گرعێزه‌یه و ته‌مه‌نی 12 ساڵه و ته‌رمه‌كه‌ی به‌ره‌و دهۆك ده‌بردرێته‌وه و له‌وانه‌یه له‌وێشه‌وه ببرێته‌وه شه‌نگال و له‌وێ به خاك بسپێردرێت.
کۆمێنت (0)
تا ئێستا هیچ کۆمێنتێک نەکراوە.