له‌ڕاگه‌یاندراوێكدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه ، به‌ڕێوه‌به‌رایه‌تى پۆلیسى كه‌ركوك ڕایده‌گه‌ێنێت ، باندێكى سێ كه‌سى ده‌ستگیر كران ، كه‌كاریان دزی كردن و هه‌ڵكوتانه سه‌ر ماڵى هاوڵاتیان بووه
له‌ڕاگه‌یاندراوه‌كه‌ى پۆلیس كه‌ئه‌مڕۆ پێنج شه‌ممه 2 ى ئابى 2018 بڵاویان كردووه‌ته‌وه ، ئاماژه به‌ناو ناونیشانى ده‌ستگیر كراوان ده‌ده‌ن كه‌پێك دێن له (ش.ع) و (م.ع) و (ب.ب).
له‌به‌شێكى دیكه‌ى ڕاگه‌یاندراوه‌كه‌دا هاتووه ، باندەکە لەکاتی دەستگیرکردنیاندا دانیان بەوەدا ناوە کە کاری دزینی ئۆتۆمبێل و هەڵکوتانە سەر ماڵانیان بەچەکەوە ئەنجامداوە ، لە ئێستادا بەفەرمانی دادوەر هەر سێ دەستگیرکراوەکە بەپێی مادەی 442ی دزی بەندکراون.
له‌شازده‌ى ئۆكتۆبه‌ر هێزه‌كانى عێراقى و حه‌شدى شه‌عبی به‌هاوكاری باڵێكى سه‌ربازی یه‌كێتى نیشتیمانى كوردستان هێرشیان كرده سه‌ر كه‌ركوك و ده‌وروبه‌ری و ناوچه‌كه‌یان به‌هێزى سه‌ربازی داگیر كرد ، له‌دوای ئه‌و كاته‌وه تائێستا له‌ژێر ده‌سه‌ڵاتى ئه‌م هێزانه ڕووداوه‌كانى كوشتن و ڕفاندنی هاوڵاتیان و حاڵه‌تى دزی كردن ڕوو له‌زیاد بوونه
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.