ئه‌مڕۆ 1ی ئابی 2018 له ناحیه‌ی چوارقوڕنه‌ی سه‌ر به ئیداره‌ی ڕاپه‌ڕین پیاوێك گڕ له خۆی به‌رده‌دات
سه‌رچاوه‌یه‌ك له نه‌خۆشخانه‌ی گشتی ڕانیه به ده‌زگای سه‌ته‌لایتی كوردستانی ڕاگه‌یاند: به‌یانی ئه‌مڕۆ له ناحیه‌ی چوارقوڕنه‌وه پیاوێك به سووتاوی هێنرایه نه‌خۆشخانه، كه به‌گوته‌ی كه‌س و كاره‌كه‌ی خۆی خۆی سووتاندووه.
ئه‌و سه‌رچاوه‌یه ڕاشیگه‌یاند: دوای چاره‌سه‌ری سه‌ره‌تایی بۆی، به‌هۆی به‌رزی ڕێژه‌ی سووتاوییه‌كه‌ی كه به‌گوێره‌ی ڕاپۆرتی پزیشكی له %50ی جه‌سته‌ی سووتابوو، بۆ ده‌ربازكردنی گیانی ڕه‌وانه‌ی نه‌خۆشخانه‌ی فریاكه‌وتنی سلێمانی كرا.
ڕاشیگه‌یاند: به پێی تۆماری پۆلیس ئه‌و كه‌سه كه‌مئه‌ندامی سه‌نگه‌ر بووه و له ئێستاشدا پیشه‌ی كاسبه و له‌سه‌ر عاره‌بانه‌ی ده‌ست له ناو بازاڕی چوارقوڕنه كاسبی ده‌كات و تا ئێستاش هۆكاری خۆسووتاندنه‌كه‌ی نه‌زاندراوه.
کۆمێنت (0)
تا ئێستا هیچ کۆمێنتێک نەکراوە.