35 ساڵه‌ 35 که‌سی خانه‌واده‌ی خه‌م ئه‌نفال کراون

"خه‌م حكیم پێندرویی" نموونه‌یه‌كی تره‌ له‌ ئافره‌ته‌ مه‌زن و خۆڕاگره‌كانی كوردستان، كه‌ زیاتر له‌ 35 كه‌سی خێزانه‌كه‌ی به‌ر له‌ 35 ساڵ له‌ شاڵاوی ئه‌نفالی بارزانییه‌كان ئه‌نفال كران.

ئه‌م ئافره‌ته‌ شۆڕشگێڕه‌ یه‌كێكه‌ له‌ كه‌س وكاری ئه‌نفاله‌ بارزانییه‌كان كه‌ ده‌كاته‌ كچی سه‌ركرده‌ی شۆڕشگێر "حكیم پێندرۆیی مزوری" به‌ ناوی " خه‌م حكیم پێندرویی"  كه‌ زیاتر له‌35 كه‌سی خێزانه‌كه‌ی ئه‌نفالن، له‌وانه‌ هاوسه‌ره‌كه‌ی  به‌ناوی " كه‌ریم شریف" پێنچ له‌ كوڕه‌كانی و براكه‌ی  و 6 برای هاوسه‌ره‌كه‌ی و منداله‌كانیان و نه‌وه‌كانیان و چه‌ندین خزم و كه‌س كاری تریشی له‌ یه‌ك كاتدا ئه‌نفال كراون.

ته‌نیا تاوانی ئه‌وانیش ئه‌وه‌ بووه‌ كه‌ كورد بوون و له‌ عه‌شیره‌تی بارزان بوون.

شایه‌نی باسه‌ دوێنێ 31/7/2018 ، (35) ساڵ به‌سه‌ر شاڵاوی ئه‌نفالی بارزانییه‌كان تێپه‌ڕی كرد، كه‌ له‌ چه‌ند قۆناغێك 8 هه‌زار بارزانی به‌ تاوانی كورد بوون به‌ر ئه‌و شاڵاوه‌ كه‌وتن.