له ڕاگه‌ێنراوێكیدا كه وێنه‌یه‌كی ده‌ست ماڵپه‌ڕی ده‌زگای سه‌ته‌لایتی كوردستان كه‌وتووه، وه‌زاره‌تی دارایی و ئابووری حكومه‌تی هه‌رێمی كوردستان ڕایده‌گه‌یه‌نێت:هه‌ر فه‌رمانبه‌رێك خزمه‌تی سه‌ربازی بۆ كرابێت و لێبڕینی خانه‌نشینی نه‌دابێت خزمه‌ته‌كه‌ی هه‌ڵده‌وه‌شێندرێته‌وه.
له ڕاگه‌یه‌ندراوه‌كدا كه واژوای "ڕێباز حه‌ملان" ی وه‌زیری دارایی و ئابووری له‌سه‌ره، هاتووه كه خزمه‌تی سه‌ربازی بۆ ئه‌و فه‌رمانبه‌رانه‌ی ئێستا داوا ده‌كه‌ن، به هیچ شێوه‌یه‌ك ئه‌ژمار ناكرێت.
داواش ده‌كات: هیچ نووسراوێك ئاراسته‌ی سه‌رۆكایه‌تی ئه‌نجوومه‌نی وه‌زیران نه‌كرێت له‌م باره‌یه‌وه.
له ڕاگه‌ێنراوه‌كه‌دا هاتووه: هه‌ر فه‌رمانبه‌رێك له‌ساڵی 2006 خزمه‌تی سه‌ربازی بۆ ئه‌ژمار كرابێت، به‌ڵام لێبڕینی خانه‌نشینی نه‌دابێت، ئه‌وا ئه‌و خزمه‌ته‌ی بۆ ئه‌ژمار ناكرێت و ئێستاش ناتوانێت لێبڕینی خانه‌نشینی بدا به پێی یاسای خانه‌نشینی یه‌كگرتوو ژماره (27)ی ساڵی 2006 هه‌مواركراو كه ئاماژه‌ی به‌وه كردووه هه‌ر خزمه‌تێك پێویسته له كاتی خۆیدا پاره‌ی لێبڕینی خانه‌نشینی بدرێت
ده‌شڵێت: ئه‌گه‌ر هه‌ریه‌ك له‌و مه‌رجانه‌ی نه‌بێت ئه‌وا پێویسته خزمه‌ته‌كه‌ی لێ هه‌ڵبوه‌شێندرێته‌وه.
کۆمێنت (0)
تا ئێستا هیچ کۆمێنتێک نەکراوە.