لەهەولێر لە نێو ئۆتۆمبێلێكەوە دەستڕێژی گوللـە لەئەفسەرێكی پێشمەرگە كراو كوژرا، دوو كەسی دیكەش لە رووداوەكەدا بریندار بوون.
رائید هۆگر عەزیز وتەبێژی پۆلیسی پارێزگای هەولێر راگەیاند" كاتژمێر 7:20 ئێوارەی ئەمڕۆ یه‌كشه‌ممه، لەشوقەكانی هانا سیتی لەشاری هەولێر لەنێو ئۆتۆمبێلێكی جۆری لاندكرۆزەری رەنگی سپییەوە دەستڕێژی گوللـە لە كەسێك كراوەو كوژراوە، هەروەها دوو كەسی دیكەش بریندار بوون.
وتیشی" كوژراوەكە ناوی (ئەمیر ئەحمەد عەبدوڵا)یه‌و ئەفسەری پێشمەرگەیە به پلەی نەقیب و روداوەكەش بەهۆی كێشەیەكی كۆمەڵایەتییەوە روویداوەو تەرمی كوژراوەكەش رەوانەی پزیشكی دادوەری هەولێر كراوەو تیمەكانی پۆلیسی نەهێشتنی تاوانیش لێكۆڵینەوەكانیان لەبارەی رووداوەكە دەستپێكردوە.
کۆمێنت (0)
تا ئێستا هیچ کۆمێنتێک نەکراوە.